18.09.2026 | 13:18
Որ 4-5 ամիս էլ սենց գնաց, դաշնականության սև խոռոչը տանելու է մեր գործընկերներին․ Արման Եղոյան․ ՏԵՍԱՆՅՈՒԹ
ՀՅԴ Հայաստանի ԳՄ ներկայացուցիչը՝ ԱԺ արտահերթ ընտրությունների հարցով բանակցությունների մասին
Քաղաքականություն
24.09.2018 | 18:38
Որևէ անպատեհություն չենք տեսնում այս օրակարգով համապատասխան ժամանակացույցը և ճանապարհային քարտեզը քննարկելու: Այս մասին Factor.am-ի հետ զրույցում ասաց ՀՅԴ Հայաստանի Գերագույն մարմնի ներկայացուցիչ Արսեն Համբարձումյանը՝ անդրադառնալով արտահերթ խորհրդարանական ընտրությունների հարցով խորհրդակցություններ սկսելու մասին վարչապետ Նիկոլ Փաշինյանի հայտարարությանը:
«Արտահերթ խորհրդարանական ընտրությունների անցկացման գաղափարն ամրագրված է կառավարության գործունեության ծրագրում, որին կողմ են քվեարկել խորհրդարանում ներկայացված ուժերը, այդ թվում՝ մենք: Եվ մեր դիրքորոշման մեջ որևէ բան չի փոխվել այս ժամանակահատվածում: Որևէ անպատեհություն չենք տեսնում՝ այս օրակարգով համապատասխան ժամանակացույցը և ճանապարհային քարտեզը քննարկելու»,- նշեց Արսեն Համբարձումյանը:
Ավելի վաղ տեղեկացրել էինք, որ ԱՄՆ-ում հայ համայնքի ներկայացուցիչների հետ հանդիպմանը ՀՀ վարչապետն ասել էր, որ առաջիկայում բանակցություններ է հրավիրելու խորհրդարանական և ոչ խորհրդարանական քաղաքական ուժերի հետ՝ քննարկելու խորհրդարանական արտահերթ ընտրությունների ժամանակացույցն ու պայմանները:
«Կար տրամադրություն, որ դրանք անցկացվեն մինչ հաջորդ տարվա հունիս, բայց այն սպասողական վիճակը, որ ունեն պոտենցիալ ներդրողները, որոնց հարկավոր են երկարաժամկետ քաղաքական արձանագրումներ, ինչպես նաև տնտեսական միջավայրը բարենապաստ դարձնելու համար, ընտրությունները պետք է անցկացնենք ավելի վաղ, որպեսզի առավել շուտ սկսենք տնտեսության վերականգնման ընթացքը: <…> Այսօր մեր ամենակարևոր խնդիրը նոր ներդրումներ ներգրավելն է: Այդ նպատակով գնում ենք հարկային օրենսգրքի բարեփոխումների, անկախ դատական համակարգի հաստատմանը, քաղաքական կայուն վիճակի պահպանմանը, ինչի համար պետք է մոտ ժամանակներս անցկացնենք արտահերթ խորհրդարանական ընտրություններ: Երևանի ավագանու ընտրությունների արդյունքներով բոլորին ակնհայտ է, որ խորհրդարանական արտահերթ ընտրություններն անխուսափելի են, և դրանք պետք է հնարավորինս շուտ տեղի ունենան»,- հայտարարել է վարչապետը:
