12.03.2026 | 22:08
Թուրքիան դեմ է Իրանում քաղաքացիական պատերազմ հրահրելու ցանկացած ծրագրի. Ֆիդան
Որտեղո՞վ կանցնի սահմանի գիծը Տավուշում սահմանազատումից հետո․Սամվել Մելիքսեթյանը քարտեզ է ցույց տալիս. ՏԵՍԱՆՅՈՒԹ
Քաղաքականություն
17.01.2025 | 18:45
«90-ականներին հայկական կողմը Տավուշում շատ ավելի մեծ տարածքներ կորցրել է, քան վերցրել»,- անդրադառնալով հայ-ադրբեջանական սահմանի սահմանազատման հաջորդ փուլին՝ ասում է քաղաքագետ Սամվել Մելիքսեթյանը։
Հիշեցնենք՝ երեկ տեղի ունեցավ Հայաստանի և Ադրբեջանի պետական սահմանի սահմանազատման և սահմանային անվտանգության հարցերով հանձնաժողոների 11-րդ հանդիպումը։ Պաշտոնական հաղորդագրության մեջ ասվում է, որ սահմանազատման հաջորդ փուլը սկսվելու է հյուսիսային հատվածից՝ Հայաստանի, Ադրբեջանի և Վրաստանի սահմանների հատման կետից, այնուհետև սահմանազատումը շարունակվելու է հարավային ուղղությամբ՝ հյուսիսից հարավ մինչև Հայաստանի և Ադրբեջանի սահմանը Իրանի հետ:
Քաղաքագետը Factor TV-ի հետ զրույցում քարտեզի վրա ցույց է տալիս այն գյուղական բնակավայրերը, որոնք սահմանազատման արդյունքում կվերադարձնեն իրենց գյուղատնտեսական կարևոր նշանակություն ունեցող հողերը։
«Օրինակ, Բարեկամավան գյուղի համար շատ ծանր հետևանքներ են ունեցել այս կորուստները՝ 800 բնակչից մոտ 150 բնակիչ է մնացել։ Կոթի գյուղի ահռելի տարածքներ չեզոք գոտում են գտնվում, այսինքն, հայկական վերահսկողությունից դուրս։ Պառավաքար գյուղն է շատ մեծ տարածք կորցրել, որը կարևոր է գյուղատնտեսական տեսակետից․ այստեղ հիմնականում խաղողի այգիներ էին։ Նախկին Շամշադինի, կամ Տավուշի տարածաշրջանի գրեթե ամբողջ եզրով այդ կորուստները կան, հատկապես խոսքը վերաբերում է արևելյան հատվածի խոշոր կորուստներին»,- նշում է Մելիքսեթյանը։
Մանրամասները՝ տեսանյութում։
