22.06.2026 | 11:45
«Տելեկոմ Արմենիա»-ն և «AzerTelecom»-ը համաձայնագիր են ստորագրել ինտերնետ թրաֆիկի տարանցման վերաբերյալ
Ինչպես Թրամփը խաղաղություն է բերում Մերձավոր Արևելքում, նույնը կանի նաև ՀՀ-ի և Ադրբեջանի դեպքում․ ԱՄՆ հանրապետական կոնգրեսական
Քաղաքականություն
17.01.2025 | 14:01
Հանրապետական կուսակցությունից Ներկայացուցիչների պալատի անդամ, Հելսինկյան հանձնաժողովի նախագահ Ջո Ուիլսոնն անդրադարձել է Հայաստանի և Ադրբեջանի միջև խաղաղության գործընթացին ու դրանում ԱՄՆ նորընտիր նախագահ Դոնալդ Թրամփի հնարավոր ջանքերին։
«Մենք հնարավորություն ունենք Կովկասը կրկին մեծ դարձնելու, կառուցելու Կովկաս՝ ընդհանուր խաղաղության և բարգավաճման վրա: Դրա համար մեզ անհրաժեշտ է խաղաղության պայմանագիր Ադրբեջանի և Հայաստանի մեծ ժողովուրդների միջև։ Ինչպես Դոնալդ Թրամփը խաղաղություն է բերում Մերձավոր Արևելքին, նույնը կանի Կովկասում»,- X-ում գրել է կոնգրեսականը։
Ավելի վաղ մեկ այլ գրառմամբ նա ողջունել էր Հայաստանի և ԱՄՆ-ի միջև ռազմավարական գործընկերության փաստաթղթի ստորագրումը։
«Ես ողջունում եմ ԱՄՆ-Հայաստան ռազմավարական գործընկերությունը։ Հայաստանը մեծ քայլեր է անում հեռանալու պատերազմի հացագործ Պուտինից։Ռուսաստանի և Իրանի ազդեցությունից զերծ Հարավային Կովկասը կլինի խաղաղ և բարգավաճ, ինչպես երբեք»,- նշել էր Ուիլսոնը։
Թարգմանությունը՝ Էմմա Չոբանյանի
