15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
ԱՄՆ Պետքարտուղարությունը՝ ՀՀ-ի հետ ստորագրված ռազմավարական գործընկերության փաստաթղթի մասին
Քաղաքականություն
15.01.2025 | 11:29
ԱՄՆ Պետքարտուղարության խոսնակ Մեթյու Միլլերը հայտարարություն է տարածել պետքարտուղար Էնթոնի Բլինքենի և ՀՀ արտգործնախարար Արարատ Միրզոյանի հանդիպման վերաբերյալ։
Միլլերը նշել է, որ Բլինքենը և Միրզոյանը ստորագրել են ԱՄՆ-Հայաստան Ռազմավարական գործընկերության հանձնաժողովի կանոնադրությունը՝ նշանավորելով ԱՄՆ-Հայաստան զարգացող հարաբերությունների վերջին հանգրվանը։
«Կանոնադրությունը նոր ուղիներ է սահմանում երկկողմ համագործակցության համար, ներառյալ՝ տնտեսական համագործակցություն, անվտանգություն և պաշտպանություն, ժողովրդավարության, արդարության և ներառականության ամրապնդում, միջանձնային փոխանակումների ավելացում: Պետքարտուղար Բլինքենը և ԱԳ նախարար Միրզոյանը նաև հայտարարել են, որ Միացյալ Նահանգները և Հայաստանը բանակցություններ են սկսելու Հայաստանի ատոմային էներգետիկայի ոլորտին աջակցելու համաձայնագրի շուրջ, և որ Հայաստանը մտադիր է միանալ «Իսլամական պետությանը» հաղթելու գլոբալ կոալիցիային»,- ասել է Միլլերը:
Թարգմանությունը՝ Տաթև Ֆռանգյանի
