13.01.2026 | 23:13
PKK-ն հայտարարել է, որ Հալեպի բախումները նպատակ ունեն խափանել Թուրքիայի հետ խաղաղության բանակցությունները
Ավանեսյանը՝ առողջական խնդիրներով բանակ զորակոչելու մասին․ ՏԵՍԱՆՅՈՒԹ
Հասարակություն
14.01.2025 | 11:48
«Իհարկե, զորակոչման գործընթացը ՊՆ-ի վերահսկողության տակ է, բայց մենք որպես առողջական հատվածի պատասխանատու շատ սերտ համագործակցում ենք և ոչ միայն ընթացիկ գործընթացը կազմակերպելու և դրա շրջանակներում առաջացած հարցերին անդրադառնալու առումով, այլ նաև հստակեցնելու մեր իրավական կարգավորումները, կառավարության որոշումների անընդհատ վերանայումը, որը բերում է հիվանդությունների սահմանման, ախտորոշման և նաև տարբեր սահմանափակումով ծառայության հնարավորությունների առումով»,- այս մասին այսօր հրավիրված մամուլի ասուլիսի ժամանակ նշեց առողջապահության նախարար Անահիտ Ավանեսյանը՝ անդրադառնալով առողջական խնդիրներ ունեցող տղաներին բանակ զորակոչելու մասին ահազանգերին։
«Շատ կարևոր է անդրադառնալ այն հանգամանքին, որ մարդը ունի առողջական խնդիր և ունի այնպիսի ախտորոշում, որը ընկնում է տվյալ հոդվածի տակ և նրա վերաբերյալ պետք է կայացվի տարկետման կամ ազատման որոշում։ Բժշկական հանձնաժողովները, հենվելով թե՛ անձի կողմից իր միջոցներով իրականացված հետազոտությունների, թե՛ նաև պետության պատվերով իրականացված փորձաքննությունների հիման վրա, կայացնում է որոշում՝ տվյալ ախտորոշումը արդյո՞ք համապատասխանում է սահմանափակման հոդվածին, թե՞ ոչ»,- նշեց Առողջապահության նախարարը։
