17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
ԵԽ պատգամավորը ողջունել է ԵՄ-ին անդամակցելու գործընթաց սկսելու վերաբերյալ Հայաստանի կառավարության որոշումը
Քաղաքականություն
10.01.2025 | 12:45
Եվրոպական խորհրդարանում Հայաստանի հարցով մշտական զեկուցող, պատգամավոր Միրիամ Լեքսմանը X-ի իր միկրոբլոգում կատարած գրառմամբ ողջունել է ԵՄ-ին անդամակցելու գործընթաց սկսելու Հայաստանի կառավարության որոշումը։
«Ես անկեղծորեն ողջունում եմ Հայաստանի կառավարության որոշումը ԵՄ-ին անդամակցելու գործընթաց սկսելու վերաբերյալ։ Նրանք, ովքեր կատարում են անհրաժեշտ պայմանները և կիսում են մեր արժեքները, միշտ պետք է ողջունվեն»,- գրել է պատգամավորը։
Հիշեցնենք, որ երեկ՝ հունվարի 9-ի կառավարության նիստին, ՀՀ կառավարությունը դրական եզրակացություն տվեց «Եվրոպական միությանը Հայաստանի Հանրապետության անդամակցության գործընթացի մեկնարկի մասին» օրենքի նախագծին, որը ներկայացվել է «Եվրաքվե» քաղաքացիական նախաձեռնության կողմից։ Եթե օրինագիծը խորհրդարանում հավանություն ստանա, ԵՄ-ին անդամակցության հարցով հանրաքվե պետք է կազմակերպվի։
