22.01.2026 | 18:34
Նպաստները կվճարվեն բացառապես անկանխիկ եղանակով․ նոր փոփոխություններ՝ ապրիլի 1-ից
Ինչու ՀՅԴ-ն փոխեց մարզպետներին. պարզաբանում է Լևոն Մկրտչյանը
Քաղաքականություն
13.07.2017 | 14:07
«Մարզպետներն անցել են այլ աշխատանքի: Մեր կուսակցության համար սկզբունքային նշանակություն չունի, որ անպայման տվյալ մարդուն այդ տեղը երկար պահենք կամ չպահենք» ,- այս մասին Կառավարությունում՝ պատասխանելով Factor.am-ի հարցին, թե ինչով էր պայմանավորված դաշնակցական երկու մարզպետների փոփոխությունը՝ ասաց ՀՀ կրթության և գիտության նախարար, ՀՅԴ անդամ Լևոն Մկրտչյանը:
Արձագանքելով Factor.am-ի դիտարկմանը, թե արդյոք մարզպետներին հաճախակի փոխելով հնարավո՞ր է արդյունավետ աշխատանք ակնկալել, նախարարը պարզաբանեց. «Մեկ տարվա ընթացքում տրված էր արագ վերցնելու հարց, որովհետև մենք մտանք կոալիցա և փորձառու մարդիկ անհրաժեշտ էին այդ անցումային խնդիրները կարգավորելու համար»:
Հիշեցնենք, որ 2016 թ. փետրվարին ՀՀԿ և ՀՅԴ միջև ստորագրված քաղաքական համագործակցության մասին համաձայնագրից հետո դաշնակցականները ստացան երեք նախարարի և երկու մարզպետի պորտֆել: Շիրակի և Արագածոտնի մարզպետներ նշանակվեցին Հովսեփ Սիմոնյանն ու Գագիկ Գյոզալյանը, որոնք, սակայն, օրերս ազատվեցին զբաղեցրած պաշտոններից՝ առանց որևէ հիմնավորման:
Մանրամասները՝ տեսանյութում:
Շողիկ Գալստյան
