09.01.2025 | 22:14
Թուրքիան կիբերանվտանգության տնօրինություն է հիմնում տվյալների զանգվածային արտահոսքից հետո
Օրենքի ընդունումից հետո ԵՄ-ի հետ միասին ճանապարհային քարտեզ պիտի մշակենք․ Փաշինյան․ ՏԵՍԱՆՅՈՒԹ
Քաղաքականություն
09.01.2025 | 11:28
Կառավարության նիստում քննարկվում է Հայաստանի ԵՄ-ին անդամակցելու գործընթացի մեկնարկի մասին» օրինագիծը։ Վարչապետ Նիկոլ Փաշինյանընշեց, որ ՀՀ կառավարությունը չի առարկում Եվրոպական Միությանը Հայաստանի Հանրապետության անդամակցելու գործընթացի մեկնարկի վերաբերյալ քաղաքացիական նախաձեռնությանը։ Ըստ Փաշինյանի՝ օրենքի ընդունումը գործադիրի և օրենսդիրի կողմից չի նշանակում, որ Հայաստանն անդամակցում է Եվրամիությանը, դա կարող է լինել միայն հանրաքվեի միջոցով։
«Այս օրենքի ընդունումից հետո Հայաստանը ԵՄ-ի հետ պետք է քննարկի այն ճանապարհային քարտեզը, որ իրենք են պատկերացնում և որը մենք ենք պատկերացնում, և միասին ճանապարհային քարտեզ պետք է կազմենք»,- նշեց Նիկոլ Փաշինյանը։
Վարչապետի դիտարկմամբ մինչև ճանապարհային քարտեզի ստեղծման շուրջ բանակցությունների մեկնարկը ՀՀ-ն որևէ այլ գործողություն չունի անելու։
«Սրանով ընդգծում ենք ՀՀ ինքնիշխան իրավունքներից օգտվելու գործիքակազմին հասանելիությունը և այն, որ վարում ենք անկախ արտաքին քաղաքականություն, որ հիմնված է մեր պետական շահերի վրա։ ՀՀ կառավարությունը չի առարկում Եվրոպական Միությանը ՀՀ անդամակցելու գործընթացի մեկնարկի վերաբերյալ քաղաքացիական նախաձեռնությանը»,- հավելեց գործադիրի ղեկավարը։
Մանրամասները՝ տեսանյութում։
