25.06.2026 | 04:04
ԱԱ-2026. Բրազիլիան հաղթեց խոշոր հաշվով, Մարոկկոն ևս փլեյ-օֆֆում է. ՏԵՍԱՆՅՈՒԹ
Գևորգ Քոչարյանն ու Էդգար Արսենյանը՝ ապօրինի ծագում ունեցող գույքի բռնագանձման հարցով Գլխավոր դատախազի տեղակալի թեկնածուներ
07.01.2025 | 18:52
Գլխավորի դատախազի՝ ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող տեղակալի թեկնածությունների ցուցակի համալրման նպատակով հայտարարված մրցույթին բավարարվել է երկու հայտ՝ Էդգար Արսենյանի և Գևորգ Քոչարյանի: Այս մասին Factor.am-ի հարցին ի պատասխան հայտնեցին Գլխավոր դատախազությունից:
Էդգար Արսենյանն այժմ Դատախազության ՀՀ հակակոռուպցիոն կոմիտեում մինչդատական վարույթի օրինականության նկատմամբ հսկողության վարչության պետն է, իսկ Գևորգ Քոչարյանը՝ ապօրինի ծագում ունեցող գույքի բռնագանձման գործերով վարչության ավագ դատախազ է: Մրցույթին մասնակցելու համար դիմումներն ընդունվում էին մինչև 2024 թվականի դեկտեմբերի 25-ը:
Մրցույթն անցկացվելու է դիմումների ընդունման վերջնաժամկետից հետո մեկամսյա ժամկետում, այսինքն՝ մինչև այս տարվա հունվարի 25-ը:
Հիշեցնենք, որ մինչև 2024 թվականի նոյեմբեր Գլխավոր դատախազի՝ ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող տեղակալը եղել է Սրբուհի Գալյանը, որը նոյեմբերի 5-ին նշանակվեց Արդարադատության նախարար։
Արաքս Մամուլյան
