20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Մաղթում եմ, որ Սուրբ Ծննդյան խորհուրդը միավորի մեր ժողովրդին, ամրապնդի մեր հավատը և ոգեշնչի մեզ՝ միասին կերտելու ավելի պայծառ ապագա․ ՀՀ նախագահ
Հասարակություն
06.01.2025 | 18:15
Նախագահ Վահագն Խաչատուրյանը շնորհավորական ուղերձ է հրապարալել Սուրբ Ծննդյան տոնի առթիվ:
«Սիրելի հայրենակիցներ,
Սրտանց շնորհավորում եմ Սուրբ Ծննդյան տոնի առթիվ:
Այս օրը Հայոց եկեղեցին նշում է Հիսուս Քրիստոսի Ծնունդն ու Աստվածհայտնությունը, որը խորհրդանշում է հոգևոր վերածնունդ, մաքրագործում և նոր սկիզբ:
Թող այս սրբազան տոնը լցնի մեր տները լույսով, ջերմությամբ և սիրով:
Մաղթում եմ, որ Սուրբ Ծննդյան խորհուրդը միավորի մեր ժողովրդին, ամրապնդի մեր հավատը և ոգեշնչի մեզ՝ միասին կերտելու ավելի պայծառ ապագա:
Թող խաղաղությունը և բարօրությունը տիրեն մեր երկրում և յուրաքանչյուրի օջախում: Աստված պահապան մեր ժողովրդին և պետությանը:
Քրիստոս ծնավ և հայտնեցավ,
Մեզ և ձեզ մեծ ավետիս»,- նշված է նախագահի ուղերձում։
