04.06.2026 | 19:11
Գալուզին․ Ռուսաստանը պատրաստ է հարթակ տրամադրել Բաքվին և Երևանին՝ խաղաղության պայմանագրի կնքման համար
Գերմանիայի և Ֆրանսիայի արտգործնախարարները ԵՄ-ի անունից մեկնել են Դամասկոս
Քաղաքականություն
03.01.2025 | 12:12
Գերմանիայի արտաքին գործերի նախարար Անալենա Բերբոքը ԵՄ-ի անունից իր ֆրանսիացի գործընկերոջ՝ Ժան-Նոել Բարոյի հետ մեկօրյա այցով մեկնել է Սիրիա, որտեղ նրանք կհանդիպեն Սիրիայի նոր կառավարության ղեկավար Ահմեդ ալ-Շարաային․ Reuters-ի փոխանցմամբ՝ հայտնել է Գերմանիայի արտաքին գործերի նախարարությունը:
«Իմ այսօրվա այցը ֆրանսիացի գործընկերոջս հետ ԵՄ-ի անունից հստակ ազդակ է սիրիացիներին. հնարավոր է նոր քաղաքական սկիզբ Եվրոպայի և Սիրիայի, Գերմանիայի և Սիրիայի միջև», – ասել է Բերբոքը` Դամասկոս մեկնելուց առաջ:
Բերբոքը և Ֆրանսիայի արտաքին գործերի նախարար Ժան-Նոել Բարոն Եվրամիության առաջին բարձրաստիճան դիվանագետներն են, որոնք այցելում են Սիրիա 2024 թ․դեկտեմբերի 8-ին ապստամբների կողմից Դամասկոսն իրենց վերահսկողության տակ վերցնելուց հետո՝ ստիպելով նախագահ Բաշար ալ-Ասադին փախչել ավելի քան 13 տարի քաղաքացիական պատերազմի ավարտից հետո։
«Սիրիայում մենք ցանկանում ենք նպաստել խաղաղ անցմանը՝ ի նպաստ սիրիացիների և տարածաշրջանային կայունության», – գրել է Բարոն X-ի հարթակում:
Թարգմանությունը՝ Անահիտ Խաչատրյանի
