15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Ինչ փոփոխություններ ուժի մեջ մտան հունվարի 1-ից
Քաղաքականություն
01.01.2025 | 14:25
2025 թվականի հունվարի 1-ից Երևանի տարածքում դադարում է գործել եկամտահարկի վերադարձի օրենքը առաջնային շուկայից բնակարաններ գնելու դեպքում։
2021 թվականի սեպտեմբերին ՀՀ կառավարությունը որոշել էր աստիճանաբար հրաժարվել Երևանում եկամտահարկի վերադարձով բնակարանների ձեռքբերման հնարավորությունից։ 2022 թվականից ծրագիրը դադարեցվեց Կենտրոնում և Արաբկիրում, իսկ 2025-ից՝ ամբողջ Երևանում։
Այսօրվանից ուժի մեջ են մտնում նաև հարկային օրենսգրքում կատարված փոփոխությունները։ Որոշ մասնագիտական ծառայություններ, որոնք հարկային արտոնությունների դաշտում էին և աշխատում էին շրջանառության հարկի ռեժիմով, տեղափոխվում են ընդհանուր հարկման համակարգ։ Սա նշանակում է, որ այդ կազմակերպությունների հարկային բեռը մի քանի անգամ ավելանում է։
Հունվարի 1-ից Երևանն ամբողջապես անցում է կատարում հանրային տրանսպորտի միասնական տոմսային համակարգին։ Այսօրվանից հնարավոր չէ մետաղադրամը գցել ավտոբուսներում առկա դրամարկղերում, չնայած, ավագանու որոշմամբ, 100 դրամ արժեքով ուղեվարձով հնարավոր է երթևեկել մինչև փետրվարի 1-ը, ինչպես նաև 50 դրամով` տրոլեյբուսների դեպքում։ Փետրվարի 1-ից տրանսպորտը Երևանում թանկանալու է` կախված ձեռք բերված փաթեթից։ Խոցելի խմբերի համար գործելու են արտոնություններ։
Նարեկ Կիրակոսյան
