24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
Բախվել են մոտ 50 ավտոմեքենա․ մանրամասներ՝ Արտաշատ-Երևան ավտոճանապարհին տեղի ունեցած վթարից
29.12.2024 | 18:39
Դեկտեմբերի 29-ին, ժամը 08:28-ին Արարատի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Արտաշատ-Երևան ավտոճանապարհին՝ Մարմարաշեն գյուղի մոտակայքում, տեղի է ունեցել շղթայական ավտովթար. անհրաժեշտ է փրկարարների օգնությունը։
Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը և հրշեջ-փրկարարական ջոկատից երկու մարտական հաշվարկ։
Պարզվել է, որ Արտաշատ-Երևան ավտոճանապարհին՝ Մարմարաշեն գյուղի վարչական տարածքում, բախվել են մոտ 50 ավտոմեքենա, ինչի հետևանքով վնասվել է մոտակայքով անցնող գազատար խողովակը․ առկա է արտահոսք։
«Mercedes-Benz» մակնիշի ավտոմեքենան վրաերթի է ենթարկել Հ. Ա.-ին (ծնված 1979 թ․), ով տեղում մահացել է:
Տուժածներ Ն. Ս.-ն (ծնված 2004 թ․), Վ. Ս.-ն (ծնված 2004 թ․), Ս. Զ.-ն (ծնված 2006 թ․), Ա. Մ.-ն (ծնված 1994 թ․) և Ն. Ե.-ն (ծնված 2006 թ․) հոսպիտալացվել են բժշկական կենտրոն:
Փրկարարները հոսանքազրկել են մոտ 20 ավտոմեքենա, փակել գազի բալոնների փականները, իրականացրել ճանապարհահատվածի լվացման աշխատանքներ և Հ․ Ա.-ի դին մոտեցրել դի տեղափոխող ավտոմեքենային։
Գազի վթարային ծառայության աշխատակիցների կողմից արտահոսքը դադարեցվել է:
