20.04.2026 | 10:42
Թեհրանը խոստանում է պատասխանել ԱՄՆ-ի կողմից իրանական բեռնատար նավի առգրավմանը
Հայաստանում տնտեսական աճի տեմպը շարունակում է նվազել․ նոյեմբերին կրճատվել է արտահանումն ու ներմուծումը
Տնտեսություն
25.12.2024 | 14:21
Այս տարվա նոյեմբերին նախորդ տարվա նույն ամսվա համեմատ Հայաստանում տնտեսական ակտիվության ցուցանիշն աճել է 1,2 %-ով։ Այս մասին Factor.am-ը տեղեկանում է ՀՀ վիճակագրական կոմիտեի հրապարակած տվյալներից։
Սա այս տարվա ամենացածր ցուցանիշն է։
Տնտեսական ակտիվության աճի նվազմանը նպաստել է արտաքին առևտրաշրջանառության ոլորտը, որը նախորդ տարվա նույն ամսվա համեմատ նվազել է շուրջ 27.4 %-ով։ Արտահանումը նվազել է 35 %-ով, ներմուծումը՝ 21․4 %-ով։ Նշենք, որ նոյեմբեր ամսին շեշտակի բարձրացավ արտարժույթի փոխարժեքը․ դոլարի գինը 388-ից հասավ շուրջ 410 դրամի, ինչը կարող էր ազդեցություն ունենալ արտաքին առևտրաշրջանառության վրա՝ բերելով նվազման։
Նվազում է նկատվել նաև արդյունաբերական արտադրանքի ծավալում, նախորդ տարվա նույն ամսվա համեմատ՝ 19 %-ով։
Նախորդ տարվա նոյեմբերի համեմատ աճել է շինարարության ծավալը՝ 11,6 %-ով, առևտրի շրջանառությունը՝ 11․5 %-ով, ծառայությունների ծավալը 10․4 %-ով, էլեկտրաէներգիայի արտադրությունը՝ 21,3 %-ով, արդյունաբերական արտադրանքի գների ինդեքսը՝ 6,1 %-ով։
Անժելա Պողոսյան
