03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Կրեմլը հուսով է, որ Նիկոլ Փաշինյանը տեսակապով կմասնակցի ԵՏՄ բարձրագույն խորհրդի նիստին
Քաղաքականություն
25.12.2024 | 13:45
Կրեմլը հուսով է, որ ԵՏՄ գագաթնաժողովին տեսակապի միջոցով կմասնակցի նաև ՀՀ վարչապետ Նիկոլ Փաշինյանը, որը չի կարողացել մեկնել Սանկտ Պետերբուրգ ԱՊՀ ոչ պաշտոնական գագաթնաժողովին՝ կորոնավիրուսի դրական թեստի պատճառով։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Մենք հուսով ենք, որ արդեն վաղը, երբ ԵՏՄ գագաթնաժողովի հետ նախատեսված մի հատված կլինի, նա կկարողանա մասնակցել տեսակապով»,- լրագրողներին ասել է Պեսկովը։
Հիշեցնենք, որ ՀՀ վարչապետ Նիկոլ Փաշինյանը տեղեկացրել է, որ դեկտեմբերի 23-ին քովիդի դրական ախտորոշում է ունեցել ու չի մասնակցի ԱՊՀ երկրների ղեկավարների գագաթնաժողովին։ Նա նշել է նաև, որ մինչև օրվա ավարտը որոշում կկայացնի ԵՏՄ բարձրագույն տնտեսական խորհրդի նիստին մասնակցել-չմասնակցելու վերաբերյալ։
Թարգմանությունը՝ Էմմա Չոբանյանի
