26.05.2026 | 10:40
«Վոլֆսբուրգն» առաջին անգամ դուրս է մնացել Բունդեսլիգայից․ ՏԵՍԱՆՅՈՒԹ
Վիգեն Սարգսյանի ԱՄՆ առանձնատան, Աբովյան փողոցի ու Հյուսիսային պողոտայի 4 գույքի վրա կալանք է դրվել․Դատախազություն
Հասարակություն
24.12.2024 | 11:28
ՀՀ պաշտպանության նախկին նախարար Վիգեն Սարգսյանի ԱՄՆ առանձնատան, Աբովյան փողոցի ու Հյուսիսային պողոտայի 4 գույքի վրա կալանք է դրվել, այս մասին Factor.am-ին հայտնեցին ՀՀ գլխավոր դատախազությունից։ Իրավապահ կառույցից նաև նշեցին, որ դատախազը քրեական գործն ուղարկել է դատարան։
Հիշեցնենք, որ Հակակոռուպցիոն դատարանը մայիսի 15-ին վարույթ էր ընդունել Գլխավոր դատախազության՝ առերևույթ ապօրինի ծագում ունեցող գույքի բռնագանձման վերաբերյալ հերթական հայցադիմումը:
Պաշտոնական հաղորդագրության համաձայն՝ Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ ՀՀ պաշտպանության նախկին նախարար Վիգեն Սարգսյանից և նրան փոխկապակցված անձից բռնագանձել՝ 1 անշարժ գույք Երևանի կենտրոնում, իսկ անհնարինության դեպքում՝ գույքի միջին շուկայական արժեքը՝ 181 մլն 125 հազար դրամ, ԱՄՆ Մասաչուսեթս նահանգում գտնվող բնակելի տարածքը, իսկ անհնարինության դեպքում՝ գույքի ձեռքբերման արժեքը՝ 2 մլն 50 հազար ԱՄՆ դոլարին համարժեք 940 մլն 909 հազար դրամ և այլն։
Վիգեն Սարգսյանը Հայաստանից հեռացել է 2019 թվականին, Դատախազությունը նրա նկատմամբ միջազգային հետախուզում հայտարարելու գործընթաց է նախաձեռնել՝ պաշտոնեական լիազորություններն անցնելու գործով։
Մանյա Պողոսյան
