Աղազարյանի ինտիմ խոսակցությունները խնդրահարույց նամակների մեջ էին. Հասմիկ Հակոբյան․ ՏԵՍԱՆՅՈՒԹ

Դեռ ծանոթ չեմ այդ տեղեկատվությանը, բայց ենթադրում եմ, որ այն գործի շրջանակում է, որի հետ կապված մինչ վարչապետի խնդրանքը պարոն Աղազարյանը ներգրավված էր։ Լրագրողների հետ զրույցում անդրադառնալով Հովիկ Աղազարյանին անձեռնմխելիությունից զրկելուն՝ այս մասինասաց ՔՊ-ական պատգամավոր Հասմիկ Հակոբյանը։

«Շուրջ կես տարուց ավելի է, ինչ պարոն Աղազարյանը ներգրավված է այդ քրեական գործում, ենթադրում եմ՝ դրա հետ է կապված։ Կգա դատախազը, հարցեր հղելու հնարավորություն կունենանք»,- ասաց պատգամավորը՝ հավելելով, որ Հովիկ Աղազարյանը կուսակցությունից հեռացված է։

Ինչ վերաբերում է Հակոբ Ասլանյանին, Հասմիկ Հակոբյանը նշեց, որ դեռևս օրակարգ չկա. «Եթե վարչության առաջիկա նիստում այդ հարցը ներգրավվի, ապա կլինի։ Վարչության նիստից հետո նոր կուսակցականները տեղեկանում են դրա մասին»։

Հարցին՝ որքանո՞վ է ժողովրդավարության մեջ տեղավորվում այն, որ մարդու՝ որոշ հարցերի վերաբերյալ անհամաձայնությունը կարող է դառնալ նրան խմբակցությունից հեռացնելու առիթ, պատգամավորը պատասխանեց. «Պարոն Ասլանյանի հետ մենք մեկ խմբակցության մեջ ենք եղել, նրա կարծիքը մենք կարող էինք լսել խմբակցության նիստի ժամանակ, որը չենք լսել։ Այդ մասին տեղեկացել ենք հրապարակային ելույթից, և նա հայտարարել է, որ համագործակցությունը սառեցնում է խմբակցության հետ։ Չկա նման դեպք, երբ կարելի է սառեցնել համագործակցությունը։ Պարոն Ասլանյանը խմբակցության նիստին ոչ մի անհամաձայնություն չի հայտնել, ավելին՝ ապշած էր լսածից։ Հետո մենք մամուլից ենք տեղեկանում նրա անհամաձայնության մասին։ Ես ձեզ վստահեցնում եմ, որ խմբակցությունում բոլորը կարող են անվերջ հերթագրվել, հարցեր ուղղել, կարծիքներ հայտնել։ Ինքս Աղազարյանի նամակագրությունը չեմ կարդացել, քանի որ ենթադրել եմ, որ ինձ տհաճ կլինի այդ ամենը կարդալը։ Բայց գործընկերներս, ովքեր կարդացել են, հնարավորություն եղել է նրանցից լսելու իմ մտահոգությունների պատասխանները»։

Մանրամասները՝ տեսանյութում։