06.10.2026 | 15:04
Ադրբեջանը հիմա էլ աղվանա-ուդիական համայնքի ներկայացուցիչների այց է կազմակերպել Արցախի Ծիծեռնավանք
Շիրակի մարզպետի պաշտոնում վարչապետը կառաջադրի Դավիթ Առուշանյանի թեկնածությունը
Քաղաքականություն
13.12.2024 | 10:26
Շիրակի մարզպետի պաշտոնում ՀՀ վարչապետ Նիկոլ Փաշինյանը կառաջադրի Դավիթ Առուշանյանի թեկնածությունը, որը, հիշեցնենք, օրեր առաջ վայր դրեց պատգամավորական մանդատը։ Այս մասին վարչապետը հայտնել է Ֆեյսբուքում արված գրառմամբ և Գյումրիում անցկացված նախնական քվեարկության մասնակիցներին իր աշխատասենյակում ընդունելիս։
«Այն բանից հետո, երբ Շիրակի մարզպետ Մուշեղ Մուրադյանն աշխատանքից ազատվելու դիմում գրեց, որոշում եմ կայացրել Կառավարությանը ներկայացնել Դավիթ Առուշանյանի թեկնածությունը՝ որպես Շիրակի մարզպետ: Ինչի՞ համար եմ սա ասում, որպեսզի մեր սիրելի հայրենակիցները՝ գյումրեցիները տեսնեն, որ իրենց որոշումները, դիրքորոշումներն ուղիղ ազդեցություն են ունենում Կառավարության և անձամբ իմ որոշումների վրա: Սա մի բան է, որը վերաբերում է ոչ միայն Գյումրիին և գյումրեցիներին: Իհարկե, հերթական անգամ մի ինչ-որ նոր բան է տեղի ունենում Գյումրիում, ինչը շատ խորհրդանշական է»,- ասել է վարչապետը:
Հիշեցնենք, որ երեկ կառավարության նիստի ժամանակ Փաշինյանը հայտարարեց, որ Շիրակի մարզպետ Մուշեղ Մուրադյանն աշխատանքից ազատման դիմում է գրել։
