04.06.2026 | 17:46
Ալեքսան Ալեքսանյանին օժանդակելու գործով 25 անձ ձերբակալվել է․ ՔԿ
ՔՊ-ականները գալիս են ԱԺ. Ասլանյանին հեռացնելու հարցով խմբակցության նիստ է սպասվում
Քաղաքականություն
11.12.2024 | 17:14
ԱԺ «Քաղաքացիական պայմանագիր» խմբակցությունն այսօր նիստ է հրավիրելու պատգամավոր Հակոբ Ասլանյանին խմբակցությունից հեռացնելու հարցով։ Factor TV-ն արձանագրել է, որ ՔՊ-ականները հերթով գալիս են Ազգային ժողովի շենք։
Հիշեցնենք` իշխող խմբակցության պատգամավոր Հակոբ Ասլանյանն այսօր Factor TV-ին տված հարցազրույցում ասել էր` մեկ ամսով կասեցնում է անդամակցությունը ՔՊ-ին։ Հակոբ Ասլանյանն առաջարկում է, որ ՔՊ-ում պատգամավորական խումբ ձևավորեն, Աղազարյանին կանչեն պարզաբանումների ու փորձեն իր կարծիքը հիմնավորապես փոխեն Աղազարյանի մասին, եթե ՔՊ-ականներին դա չհաջողվի, նա կհեռանա կուսակցությունից։ Ասլանյանին արձագանքեց ՔՊ վարչության անդամ Արսեն Թորոսյանը։
«Հակոբ Ասլանյանը կհեռացվի ՀՀ ԱԺ Քաղաքացիական պայմանագիր խմբակցությունից»,- Factor TV-ի եթերում հայտարարեց Թորոսյանը։
Նա Հովիկ Աղազարյանի և Հակոբ Ասլանյանի վարքագիծը կոչեց «քաղաքական դավաճանություն և դասալքություն»։ Ասլանյանի հարցով նիստը նախապես նշվել էր, որ պետք է տեղի ունենա 16։30-ին, ապա հայտարարվեց, որ 17։00-ին է, իսկ այժմ նշվում է, որ հնարավոր է տեղի ունենա ավելի ուշ կամ ընդհանրապես այսօր տեղի չունենա։
