25.08.2026 | 21:32
ՀՀ նախագահն այցելել է ՊԵԿ և քննարկել հարկային համակարգի բարեփոխումները
Սահմանազատման հաջորդ փուլը ո՞ր հատվածից է սկսվելու․ ԱԳՆ-ի արձագանքը
Քաղաքականություն
11.12.2024 | 14:09
ՀՀ ԱԳՆ-ն չի պատասխանում, թե սահմանազատման հաջորդ փուլը ո՞ր հատվածից է սկսվելու: Արտաքին գերատեսչությունից Factor.am-ի գրավոր հարցման վերաբերյալ հայտնել են․ «Հայաստանի և Ադրբեջանի սահմանազատման հանձնաժողովների նիստերի, ինչպես նաև համատեղ աշխատանքային հանդիպումների արդյունքների մասին տեղեկությունը պատշաճ կարգով ներկայացվում է պաշտոնական հաղորդագրություններում՝ Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովի և աշխատանքային հանդիպումների կազմակերպման և անցկացման աշխատակարգի դրույթների համաձայն»։
Հիշեցնենք, որ հոկտեմբերի 11-ին ԱԺ-Կառավարություն հարցուպատասխանի ժամանակ ՀՀ վարչապետ Նիկոլ Փաշինյանը հայտարարել էր, որ առաջիկայում, փոխադարձ համաձայնությամբ, կսկսվի սահմանազատման հաջորդ փուլը։
ԱԳՆ-ն նաև չի պատասխանել, թե խաղաղության պայմանագրի նախագծի 11-րդ խմբագրման վերաբերյալ ադրբեջանական կողմի առաջարկների պատասխանն ուղարկել են, թե՝ ոչ։ Գերատեսչութունից միայն արձագանքել են, որ Հայաստան-Ադրբեջան հարաբերությունների կարգավորման գործընթացի առնչությամբ «հանրությունը պատշաճ կերպով և պատշաճ ժամկետներում տեղեկացվում է»։
Մանյա Պողոսյան
