20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Դրական եմ գնահատում Փաշինյանի այն հայտարարությունը, որ քաղաքացիները պետք է ձայն չտան այն ուժերին, որոնք դեմ են արտահերթ խորհրդարանական ընտրություններին. Արմեն Մարտիրոսյան. ՏԵՍԱՆՅՈՒԹ
Քաղաքականություն
20.09.2018 | 14:29
Շարունակում եմ մնալ այն համոզման, որ Երևանի ընտրակարգը սխալ է ընտրված: Այս մասին այսօր՝ սեպտեմբերի 20-ին, լրագրողների հետ հանդիպմանը հայտարարեց «Ժառանգություն» կուսակցությունից Երևանի ավագանու թեկնածու Արմեն Մարտիրոսյանը:
«Պետք է քաղաքացիների կողմից ուղղակի ընտրությամբ ընտրվի Երևանի քաղաքապետի և նաև ավագանու՝ որպես հակակշիռ, չակերտավոր ասած՝ որպես քաղաքի օրենսդիր մարմին»,- ասաց Արմեն Մարտիրոսյանը:
Ավագանու թեկնածուի կարծիքով՝ ներպետական օրակարգերը, այնուամենայնիվ, շեղեցին այս քարոզարշավը, ինչն էլ հաստատեց տեսությունը, որ այս ընտրությունները որոշակիորեն նախերգանքը պետք է լինեն արտահերթ խորհրդարանական ընտրությունների:
«Ժառանգություն»-ը, հիշեցրեց, կողմ է դրանց անցկացմանը: «Եվս մեկ անգամ վերահաստատում ենք, որ օր առաջ, ինչպես «Ժառանգություն»-ը նախկինում ասել է, պետք է արտահերթ խորհրդարանական ընտրություններ անցկացնել՝ անկախ նրանից, թե քաղաքական ուժերը որքանով են պատրաստ»,- հավելեց Արմեն Մարտիրոսյանը:
Այս համատեքստում նա դրական է գնահատում Նիկոլ Փաշինյանի հայտարարությունը, թե քաղաքացիները պետք է ձայն չտան այն ուժերին, ովքեր դեմ են արտահերթ խորհրդարանական ընտրություններին. «Ըստ էության, ակնհայտ է մի բան. եթե մենք չունենանք արտահերթ ԱԺ ընտրություններ, երկրում քաղաքական, ինչպես նաև օրենսդրական ճգնաժամը շարունակվելու է»:
