03.04.2026 | 23:13
NASA-ն հրապարակել է Երկրի նոր լուսանկարը
Կապան-Գորիս ավտոճանապարհին 20 տ հեղուկ գազով բեռնված մեքենայի հրդեհը մարվել է
08.12.2024 | 17:00
Դեկտեմբերի 8-ին, ժամը 12:27-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Տաթև-Կապան ավտոճանապարհին այրվում է բեռնատար ավտոմեքենա։
Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատներից երկու և Աղվանիի հենակետից մեկ մարտական հաշվարկ:
Հայտարարվել է հրդեհի բարդության «Թիվ 2 կանչ»․ դեպքի վայր են մեկնել ևս երկու մարտական հաշվարկ և Սյունիքի մարզային փրկարարական վարչության օպերատիվ խումբը։
Պարզվել է, որ Կապան-Գորիս ավտոճանապարհի 41-րդ կմ-ին (Հ-45) «Iveco» մակնիշի բեռնատարը (գլանատակառ, բեռնված 20 տ հեղուկ գազով, վարորդ՝ Գ․ Գ․) դուրս է եկել ճանապարհի երթևեկելի հատվածից, կողաշրջվել և բռնկվել:
Հրդեհը մեկուսացվել է ժամը 14։44-ին, մարվել՝ 15։05-ին։ Այրվել են բեռնատարի խցիկը, առջևի և միջնամասի երկուական անվադող և բաքում եղած դիզվառելիքը:
Հրշեջ-փրկարարները կանխել են հրդեհի տարածումը դեպի գլանատակառ և իրականացրել գլանատակառի հովացման աշխատանքներ. հեղուկ գազի արտահոսք չի եղել:
