20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Դատախազությունն ընթացք է տվել փոխքաղաքապետի հաղորդմանը
Հասարակություն
04.12.2024 | 12:15
ՀՀ գլխավոր դատախազությունն օրենքով սահմանված կարգով ընթացք է տվել Երևանի քաղաքապետի տեղակալ Սուրեն Գրիգորյանի հաղորդմանը։ Այս մասին Factor.am-ի հարցին ի պատասխան հայտնեցին Գլխավոր դատախազության հանրային կապերի բաժնից:
Հիշեցնենք՝ փոխքաղաքապետ Սուրեն Գրիգորյանը երեկ հայտնեց, որ հանցագործության մասին հաղորդում է ներկայացրել Գլխավոր դատախազին։
«Հաղորդում եմ ներկայացրել, որպեսզի նախաքննությամբ պարզվի՝ արդյոք գործ ունենք պարզապես աշխատանքային պարտականությունները չկատարելու հետ, որն առաջացրել է ծանր հետևանքներ, թե՞ առանձին անձանց մասով գործ ունենք այլ երևույթի հետ, երբ հակաօրինական վարքագիծը հատել է նաև քրեական օրենսդրության սահմանը»,- պարզաբանել էր Գրիգորյանը։
Քաղաքապետ Տիգրան Ավինյանը երեկ տեղեկացրեց, որ 32 վարորդ ազատվել է աշխատանքից։ Քաղաքային իշխանությունը ոչ թե գործադուլ, այլ շանտաժ է որակում վարորդների բողոքը։ Այսօր քաղաքապետարանը հայտնել է, որ տրանսպորտն աշխատում է բնականոն հունով՝ միաժամանակ հայտարարելով, որ «Երևանի ավտոբուս» ՓԲԸ-ին անհրաժեշտ են «Դ» կարգի վարորդական իրավունք ունեցող վարորդներ՝ շարժակազմերը համալրելու համար։
Արփի Հակոբյան
