07.08.2026 | 21:30
Համայնքներում կիրականացվեն հունական ժողովրդական պարերի ուսուցման ծրագրեր
Փաշինյանի պահանջից հետո Պապոյանը 21 ավտոմեքենա է կրճատում
Քաղաքականություն
04.12.2024 | 10:57
Նիկոլ Փաշինյանի հայտարարությունից հետո Էկոնոմիկայի նախարարությունում առկա 39 ծառայողական ավտոմեքենաներից 21-ը կրճատվելու է։ Այս մասին Factor.am-ի հարցմանն ի պատասխան հայտնել են գերատեսչությունից։
Կրճատվող մեքենաների ցանկից բացակայում է նախարար Գևորգ Պապոյանին սպասարկող ավտոմեքենան։ Նա հարկատուների հաշվին երթևեկում է Տոյոտա LC Պրադո 4.0 մակնիշի ավտոմեքենայով, որն արտադրվել է 2013 թվականին։
Իր ծառայողական ավտոմեքենայից չի հրաժարվի նաև փոխվարչապետ Մհեր Գրիգորյանը։ Նա երթևեկում է VOLVO S90 PLUG IN HYBRID մակնիշի ավտոմեքենայով։ Այս մասին տեղեկացնում են փոխվարչապետի աշխատակազմից։ Դա նույն մոդելի մեքենայից է, որը սպասարկում է մյուս փոխվարչապետին՝ Տիգրան Խաչատրյանին։ Factor.am-ը գրել էր, որ այս VOLVO-ներից յուրաքանչյուրը ձեռք է բերվել 41,6 մլն դրամով։
ԲՏԱ նախարարությունից էլ կրճատվելու է չորս մեքենա։ Factor.am-ն ավելի վաղ գրել էր, որ արդարադատության և առողջապահության նախարարությունները միասին հրաժարվում են տասը ծառայողական մեքենայից։ Այս պահի դրությամբ հայտնի է 35 ավտոմեքենայի կրճատման մասին։
Նարեկ Կիրակոսյան
