06.10.2026 | 13:49
Հոկտեմբերի 6-ի երեկոյան և 7-ի գիշերը առանձին շրջաններում սպասվում են հորդառատ անձրևներ
Ինչպես է իրականացվելու քվեարկությունը Գյումրիում․ մանրամասներ
Քաղաքականություն
04.12.2024 | 09:32
Նիկոլ Փաշինյանը երեկ ուշ երեկոյան հրապարակեց, թե ովքեր են «Քաղաքացիական պայմանագիր» կուսակցության վարչության որոշմամբ Գյումրու քաղաքապետի նախնական ընտրությունների նախնական թեկնածուները․ Լևոն Անանյան, Դավիթ Առուշանյան, Շավարշ Արամյան, Էմմա Բարսեղյան, Սարիկ Մինասյան, Վահագն Մկրտչյան և Կարեն Սարուխանյան:
«Նրանք այսօրվանից կարող են իրականացնել քարոզչություն, իսկ նախնական քվեարկությունը տեղի կունենա դեկտեմբերի 8-ին, 9-ին, 10-ին: Նախնական քվեարկության արդյունքներով առավելագույն ձայն ստացած թեկնածուին կնշանակեմ Գյումրիի քաղաքապետի պաշտոնակատար: Քվեարկության կարգի մասին կտեղեկացնեմ լրացուցիչ»,-ֆեյսբուքյան էջում գրել է Նիկոլ Փաշինյանը:
Factor.am-ին որոշակի մանրամասներ են հայտնի դարձել քվեարկության կարգի մասին։ Որոշվել է Գյումրին բաժանել հինգ-վեց մասի կամ պայմանական ասած՝ ընտրատարածքների։ ՔՊ-ականները վիճակահանությամբ ընտրելու են փողոցները և քվեատուփերով մոտենան մարդկանց՝ այդ թվում տներում։ Քաղաքացին գաղտնի իրականացնելու է ընտրությունը, ապա քվեաթերթիկը գցելու է արկղը։ Որոշվել է, որ շրջիկ խմբերի անդամների վրա ամրացված է լինելու տեսախցիկ, որպեսզի բացառվեն խախտումները։
Արդյունքերն ամփոփվելու են ՔՊԿ-ի Գյումրու տարածքային գրասենյակում, չի բացառվում, որ ուղիղ հեռարձակում լինի։
Նարեկ Կիրակոսյան
