14.03.2026 | 20:09
Նյու Յորքում Հայաստանի նախաձեռնությամբ քննարկվել է գենդերային հավասարության դերը կենսաբազմազանության պահպանման գործում
Եթե Աղազարյանն իրեն դնում է թիմից դուրս, այլևս թիմի հետ ճանապարհ չունի շարունակելու․ Ալեն Սիմոնյան․ ՏԵՍԱՆՅՈՒԹ
Քաղաքականություն
03.12.2024 | 14:34
«Համարում եմ, որ ՀՀ վարչապետը Հայաստանի Հանրային հեռուստաընկերությամբ դիմել էր նրան նաև հրապարակային խնդրանքով, և ես չեմ կարծում, որ նման պարագայում ճիշտ է այդ խնդրանքն անտեսել և մերժել: Ես չեմ քննարկում պատճառները, չեմ ուզում մտնել այդ քննարկման մեջ, ես դա իրեն էլ եմ ասել»,- այս մասին խորհրդարանում լրագրողների հետ ճեպազրույցում ասաց Ալեն Սիմոնյանն՝ անդրադառնալով Հովիկ Աղազարյանի՝ մանդատը վայր չդնելու մասին հարցին։
Կարո՞ղ է բարձրացվել Աղազարյանի՝ խմբակցությունից հեռացման հարց, Սիմոնյանն ասաց՝ եթե նա իրեն դնում է թիմից դուրս, կարծում է՝ այլևս այդ թիմի հետ ճանապարհ չունի շարունակելու:
«Եթե դու քեզ դնում ես թիմից դուրս, դա ամենավատ բանն է: Ես չգիտեմ՝ ՔՊ վարչությունն ինչ որոշում կկայացնի, բայց եթե նման բան էլ տեղի ունենա, դա կլինի ստեղծված իրավիճակի արձանագրում, այլ ոչ թե նոր իրավիճակի ստեղծում»,- ընդգծեց ԱԺ նախագահը:
Մանրամասները՝ տեսանյութում։
