26.05.2026 | 15:37
Իրանը հայտարարել է ամերիկյան ԱԹՍ-ի խոցման մասին և զգուշացրել՝ հրադադարի խախտումներին խիստ պատասխան կտրվի
Աղազարյանը մերժեց Փաշինյանին․ արդյո՞ք Գլխավոր դատախազությունը կդիմի ԱԺ պատգամավորին անձեռնմխելիությունից զրկելու հարցով
Քաղաքականություն
02.12.2024 | 17:11
ԱԺ ՔՊ պատգամավոր Հովիկ Աղազարյանը կարծում է, որ մանդատը վայր չդնելու իր որոշումից հետո Գլխավոր դատախազը կարող է մտնել խորհրդարան ու առաջարկել իրեն զրկել անձեռնմխելիությունից։
Factor.am-ը հետաքրքրվեց Գլխավոր դատախազությունից՝ արդյո՞ք գլխավոր դատախազը կգնա Ազգային ժողով Հովիկ Աղազարյանին անձեռնմխելիությունից զրկելու հարցով։ Ի պատասխան մեր հարցադրմանը՝ դատախազությունից հերքեցին Հովիկ Աղազարյանի կողմից հնչեցված տեղեկությունը։
Նշենք, որ 24News-ին տված հարցազույցում Հովիկ Աղազարյանն այսօր հայտարարել է, որ ստիպված է մերժել մանդատը վայր դնելու վերաբերյալ ՀՀ վարչապետի խնդրանքը։
Ավելի վաղ Հովիկ Աղազարյանն ասել էր, որ հետաձգում է մանդատը վայր դնելու իր որոշումը և մի քանի օրից կարձագանքի Նիկոլ Փաշինյանին։
Հիշեցնենք` ՀՀ վարչապետ Նիկոլ Փաշինյանը Հանրային հեռուստաընկերությանը տված հարցազրույցի ժամանակ տեղեկացրել էր, որ ՔՊ պատգամավորներ Նարեկ Զեյնալյանին և Հովիկ Աղազարյանին խնդրել է` պատգամավորական մանդատները վայր դնել՝ հույս հայտնելով, որ Հովիկ Աղազարյանը կկատարի իր խնդրանքը։ Նոյեմբերի 22-ին Նարեկ Զեյնալյանը Աժ էր ներկայացրել մանդատը վայր դնելու դիմումը։ Փաստորեն, Հովիկ Աղազարյանը մերժեց Փաշինյանի խնդրանքը։
Մանյա Պողոսյան
