16.09.2026 | 21:30
Քոչարյանի գրպանը 200 մլն դոլար չեն գցել․ անհնար է համոզել ՀՀ-ի ժողովրդին, որ գործը սարքած է․ Թագուհի Ղազարյան․ ՏԵՍԱՆՅՈՒԹ
Մարտիրոս Սարյանի տուն-թանգարանում բացվել է «Սարյանը և Ֆրանսիան» խորագրով ցուցահանդեսը
Մշակույթ
19.09.2018 | 18:23
Ֆրանկոֆոնիայի միջոցառումների շրջանակում՝ սեպտեմբերի 18-ին, Մարտիրոս Սարյանի տուն-թանգարանում բացվել է «Սարյանը և Ֆրանսիան» խորագրով ցուցահանդեսը, որը կգործի մինչև ս. թ. նոյեմբերի 14-ը. տեղեկացնում են ՀՀ մշակույթի նախարարության լրատվական վարչությունից:
Ցուցահանդեսի բացմանը մասնակցում էին ՀՀ մշակույթի նախարար Լիլիթ Մակունցը, Հայաստանում ԵՄ պատվիրակության ղեկավար, դեսպան Պյոտր Սվիտալսկին, այլ դեսպաններ, մշակութային գործիչներ, հյուրեր:
«Ցուցահանդեսը մեզ՝ բոլորիս, ևս մեկ անգամ հնարավորություն է ընձեռում ծանոթանալու սարյանական խորը աշխարհընկալմանը: Այսօր ներկայացված են Սարյանի փարիզյան շրջանի գործերը, որոնք նա ստեղծել է այնտեղ անցկացրած երկու տարիների ընթացքում և դրանք մեզ ծանոթ են միայն լուսանկարների միջոցով»,- ողջույնի իր խոսքում նշել է Լիլիթ Մակունցը:
Նկարչի այս գործերը, ցավոք, այժմ չկան. Փարիզից տունդարձի ճանապարհին Ֆրիժի նավի վրա բռնկված աղետալի հրդեհի պատճառով:
Ցուցահանդեսում առաջին անգամ ներկայացվում են Վարպետի հայտնի «Գազելներ» կտավը` Մոսկվայի պետական Տրետյակովյան պատկերասրահի հավաքածուից, ինչպես նաև «Կովկասյան քաղաքի փողոց. Թիֆլիս» կտավը (1927 թ.)։
Լիլիթ Մակունցը շրջել է սրահում, դիտել ներկայացված գործերը:
