21.01.2026 | 23:30
Ինչ իրավիճակ է Հայաստանի ճանապարհներին և Լարսում
Իվետա Տոնոյանը՝ Սերժ Սարգսյանի և Գագիկ Ծառուկյանի հանդիպման մասին
Քաղաքականություն
19.09.2018 | 17:38
«Բարգավաճ Հայաստան» կուսակցության ղեկավար Գագիկ Ծառուկյանի և 3-րդ նախագահի հանդիպման մասին տեղեկատվությանը Գագիկ Ծառուկյանի մամուլի խոսնակ Իվետա Տոնոյանը չի տիրապետում։ «Նման ինֆորմացիա չունեմ»,-Factor.am-ի հետ զրույցում ասաց Տոնոյանը։
Դիտարկմանը՝ բացառում է, որ հանդիպում եղած լինի, պարզապես, ինքը դրա մասին տեղեկացված չլինի, Իվետա Տոնոյանը պատասխանեց․ «Կրկնում եմ՝ Գագիկ Ծառուկյանի և Սերժ Սարգսյանի հանդիպման մասին տեղեկատվություն չունեմ»։
Ըստ էության՝ Իվետա Տոնոյանն իր պատասխանով ո՛չ հերքեց, ո՛չ հաստատեց պաշտոնաթող 3-րդ նախագահի և ԲՀԿ առաջնորդի հանդիպման մասին լուրը։
Հիշեցնենք, որ մամուլն այսօր գրել էր, որ վերջերս Գագիկ Ծառուկյանն ու Սերժ Սարգսյանը հանդիպել և զրուցել են։ Հանդիպումը կայացել է «աչքից հեռու»՝ Ծաղկաձորում։ Ըստ մամուլի հրապարակման՝ ՀՀ 2 նախկին նախագահներն առիթը բաց չեն թողում Ծառուկյանից դժգոհելու, որ անկախ իշխանությունների քայլերից՝ շարունակում է սատարել Նիկոլ Փաշինյանին։
