15.07.2026 | 13:18
Հայ գիտնականը՝ Այնշտայնի տեսությունը հաստատող միջազգային հետազոտության հեղինակների թվում
Գեղարքունիքում ասֆալտապատման գործով կալանավորվածների թիվն ավելացել է
Հասարակություն
28.11.2024 | 12:25
Factor.am-ի տեղեկություններով՝ Գեղարքունիքում ասֆալտապատման աշխատանքների գործով քրեական վարույթի շրջանակներում կալանավորվել է տեխնիկական հսկողություն իրականացնող կազմակերպության ղեկավարը՝ Բաբիկ Սարգսյանը։ Ավելի վաղ հայտնի էր դարձել, որ կալանավորվել է «Ճանապարհային դեպարտամենտ» հիմնադրամի նախկին ղեկավար Գոռ Ավետիսյանի հայրը՝ Ավետիք Ավետիսյանը։ Ըստ ամենայնի՝ հենց այս պատճառով է Գոռ Ավետիսյանը պաշտոնանկ արվել։
Գործը քննվում է Հակակոռուպցիոն կոմիտեում։ Մեր աղբյուրների համաձայն՝ կալանավորվածների ցանկն այսքանով չի սահմանափակվում։
Բ․ Սարգսյանը Մարտունի քաղաքից է, նրան է պատկանում «Կոփ» ՍՊԸ-ն, որը հիմնադրվել է 2012 թ-ին, 2016 թ-ից մասնակցում է պետական գնումներին և տարբեր շինարարական աշխատանքների տեխնիակական հսկողություն է իրականացնում, այդ թվում՝ ճանապարհաշինական, դպրոցաշինական և այլն։
Ա․ Ավետիսյանը Մարտունու տարածաշրջանի Ծակքար գյուղից է (ՏԿԵՆ նախկին նախարար Գնել Սանոսյանի համագյուղացին)։ 2005 թ-ին ստեղծված «Ալ-Մասքա» ՍՊ ընկերության հիմնադիրն է։ 2019 թ-ին ՀՀ շինարարի օրվա առթիվ և շինարարության ոլորտում ունեցած ավանդի համար այն ժամանակ Գեղարքունիքի մարզպետ Գնել Սանոսյանից շնորհակալագիր է ստացել։
Գայանե Խաչատրյան
