Արյան, մեզի, մազի նմուշ ում պետք է՝ կարող եմ տալ, թող ստուգեն՝ կա՞ թմրանյութ. Սարուխանյան․ ՏԵՍԱՆՅՈՒԹ

Խորհրդակցությունները Գյումրիում շարունակվում են, այս պահին դեռ որոշում չունեմ, քաղաքապետի թեկնածու առաջադրվելու հարցում, այս մասին ԱԺ-ում լրագրողների հետ զրույցում ասաց «Քաղաքացիական պայմանագիր» խմբակցության պատգամավոր Կարեն Սարուխանյանը։

Նա նշեց՝ քանի որ օրենքում հստակ գրված չէ, որ նման դեպքերում ժամանակավոր պաշտոնակատար է լինելու, իրենք պատրաստվում էին գնալ արագ արտահերթ ընտրությունների՝ առանց ժամանակավոր պաշտոնակատարի:

«Այն պահին, երբ հասկացանք, որ առանց ժամանակավոր պաշտոնակատարի և համայնքապետի չենք կարող գնալ ընտրության, քանի որ օրենքը թույլ չի տալիս, որոշում կայացվեց, որ պետք է օրենքում փոփոխություն կատարվի և դա հենց եղավ՝ կնշանակվի համայնքապետ, և կգնանք ընտրության: Գյումրիում կառավարման ճգնաժամ ունենք: Իրավական առումներով մենք հասկացանք, որ արտահերթ ընտրությունների արագ չենք կարող գնալ, արդեն վարչապետը դիմեց գյումրեցիներին՝ ասելով, որ իրենք ընտրեն, թե ով պետք է նշանակվի ժամանակավոր պաշտոնակատար»,- նշեց նա:

Անդրադառնալով թմրամիջոց օգտագործելու լուրերին՝ Սարուխանյանն ասաց, որ այդ թեմային բավականին երկար անդրադարձել է:

«Իմ հանձնած թեստի տվյալները հրապարակել եմ, ասեմ, որ այդ սուտ տեղեկություններով փորձել են ինձ վարկաբեկել։ Գյումրիում ինձ շատ լավ են ճանաչում, գիտեն նաև, որ նման արատավոր երևույթների դեմ թիվ մեկ պայքարողն եմ։ Ես էլի եմ հայտարարել, որ պատրաստ եմ հանձնել ցանկացած թեստ։ Ցանկացած արյան, մեզի, մազի նմուշ, ում որ պետք է, կարող եմ տալ, թող ստուգեն` կա՞ թմրանյութ, թե` ոչ»,- ընդգծեց նա:

Մանրամասները` տեսանյութում: