ԵնթաԴՐՈՒԹՅՈՒՆ. Ինչպիսի վերադասավորումներ կլինեն, եթե գործող կառավարությունում առկա քաղաքական ուժերի միջև հակասությունները խորանան

Երևանի ավագանու ընտրությունների քարոզարշավի յուրաքանչյուր հաջորդ օրն առավել տեսանելի է դարձնում այն հակասությունները, որոնք առկա են գործող կառավարությունում համագործակցող ուժերի միջև։ Դեռ քարոզարշավի մեկնարկին «Իմ քայլը» դաշինքի թեկնածու Հայկ Մարությանի հնչեցրած՝ սևերի և սպիտակների թեզը հետզհետե խորացավ, ամրագրվեց նաև Նիկոլ Փաշինյանի կողմից, ինչի արդյունքում հատկապես վերջին օրերին ԲՀԿ և «Լույս» դաշինքի ներկայացուցիչները հանդես են գալիս ազգային համաձայնության կառավարությունում իրենց գործընկեր «Քաղաքացիական պայմանագիր» կուսակցության գործողությունների դեմ սուր քննադատությամբ։

Երեկ ԱԺ «Ելք» դաշինքի պատգամավոր, «Լուսավոր Հայաստան» կուսակցության ղեկավար Էդմոն Մարուքյանը հայտարարեց, որ Նիկոլ Փաինյանը պետք է ներողություն խնդրի իրենցից և ՀՀ քաղաքացիներից, իսկ «Ելք» դաշինքի պատգամաբոր, «Հանրապետություն» կուսակցության առաջնորդ Արամ Սարգսյանն էլ նշեց, թե այն ուժերը, որոնք օգնել են Փաշինյանին, կկարող են այլևս նրան չօգնել։ Առավել սուր քննադատությունը, սակայն, հնչեցրեց ԲՀԿ քաղաքապետի թեկնածու Նաիրա Զոհրաբյանը՝ հայտարարելով, թե Փաշինյանի կողմնակիցներն անցել են քաղաքակիրթ քաղաքական մշակույթի ու հարաբերությունների բոլոր սահմանները, և իրենք կմտածեն՝ քվեարկե՞լ ԱԺ արտահերթ ընտրությունների համար, թե՝ ոչ։ Այսպիսով՝ եթե Երևանի ավագանու ընտրություններով այս հակասությունները ոչ թե հանգուցալուծվեն, այլ ավելի խորանան՝ ինչ վերադասավորումներ և զարգացումներ կլինեն։