25.06.2026 | 11:32
Ուկրաինական ԱԹՍ-ների հարվածից Կրասնորդարում նավթաբազայում հրդեհ է բռնկվել
Զախարովային հեռախոսազանգով հրահանգում են չխոսել Դնեպրին բալիստիկ հրթիռով հարվածից․ ՏԵՍԱՆՅՈՒԹ
Քաղաքականություն
21.11.2024 | 16:29
Ամենշաբաթյա ճեպազրույցի ընթացքում ՌԴ ԱԳՆ պաշտոնական ներկայացուցիչ Մարիա Զախարովային զանգահարել ու հրահանգել են չմեկնաբանել Դնեպրին միջմայրցամաքային բալիստիկ հրթիռով հարվածը։ Զախարովան հենց ամբիոնի մոտ կանգնած պատասխանում է հեռախոսազանգին․ միացված խոսափողերի շնորհիվ ուղիղ եթերում լսվում է, թե ինչպես է տղամարդու ձայնը հրահանգում «Յուժմաշ»-ին («Յուժմաշ»-ը Դնեպրում գտնվող ուկրաինական հրթիռատիեզարական տեխնիկայի արտադրությամբ զբաղվող գործարան է) բալիստիկ հրթիռով հարվածն ընդհանրապես չմեկնաբանել։ Ինչին ի պատասխան Զախարովան ասում է․ «Այո՛, շնորհակալություն»։
Հիշեցնենք, որ այսօր առավոտյան Կիևի ռազմաօդային ուժերը հայտարարել են, որ Ռուսաստանը Աստրախանի շրջանից միջմայրցամաքային բալիստիկ հրթիռ է արձակել հինգշաբթի վաղ առավոտյան Ուկրաինայի վրա հարձակման ժամանակ։
Պատերազմի ընթացքում Ռուսաստանը առաջին անգամ է օգտագործում նման հեռահար հրթիռ։ Նման բալիստիկ հրթիռները կարող են կրել ինչպես միջուկային, այնպես էլ սովորական մարտագլխիկներ։
Մանրամասները՝ տեսանյութում։
