21.11.2024 | 21:30
Նիկոլ Փաշինյանը վախեցնելու լեզվով է խոսում․ մեջքի հետևում այլևս հավատացող ժողովուրդը չկա․ Զարուհի Հովհաննիսյան․ ՏԵՍԱՆՅՈՒԹ
ԱՄՆ Պետդեպը հայտարարում է, որ շարունակում է ճնշում գործադրել Ադրբեջանի վրա՝ քաղբանտարկյալների ազատ արձակման համար
Քաղաքականություն
21.11.2024 | 17:55
ԱՄՆ Պետքարտուղարության խոսնակ Մեթյու Միլլերը ճեպազրույցում անդրադարձել է այն մտահոգություններին, որ Ադրբեջանը անտեսում է մարդու իրավունքների վերաբերյալ կոչերը՝ քաղբանտարկյալներին ազատ արձակելու առումով։ Լրագրողը, մասնավորապես, հետաքրքրվել է, թե ինչպիսին է ԱՄՆ դիրքորոշումը «Ազատություն ռադիոկայանի» լրագրղ Ֆարիդ Մեհրալիզադեի գործով, որը մայիսին բանտարկվել է Ադրբեջանում, և կառավարությունը հրաժարվում է նրան բաց թողնել:
«Մենք Ադրբեջանի կառավարությանը հասկացրել ենք, որ նրանք պետք է հարգեն լրագրողների իրավունքները՝ զբաղվելու իրենց աշխատանքով»,-ասել է Միլլերը։ Նրան նաև հարց է ուղղվել հայտնի տնտեսագետ և ընդդիմադիր գործիչ դոկտոր Գուբադ Իբադօղլուի մասին, որը ձերբակալվել էր անցյալ ամառ։
Այս ամսվա սկզբին ԱՄՆ-ի գրեթե երեք տասնյակ բարձրաստիճան օրենսդիրներից բաղկացած երկկուսակցական խումբը նամակ է գրել պետքարտուղար Էնթոնի Բլինքենին և նախագահի կլիմայի հարցերով ավագ խորհրդական Ջոն Պոդեստային՝ շարունակելու անմիջական համագործակցությունը Ադրբեջանի կառավարության հետ՝ խրախուսելու նրանց ազատ արձակել դոկտոր Իբադօղլուին Բաքվում COP29-ին ընդառաջ։
«Մենք կպատասխանենք անդամներին նամակով, ոչ հրապարակային»,-նշել է Պետդեպի խոսնակը՝ հավելելով, որ շարունակում են ճնշել Ադրբեջանի կառավարությանը քաղբանտարկյալներին ազատ արձակել։
«Այսպիսով, մենք շարունակում ենք ճնշել։ Մենք՝ մարդու իրավունքների հարցերի մեր պաշտպանությունը կապված չէ որևէ համաժողովի հետ: Դա մի բան է, որ տեղի է ունենում այստեղ ամեն օր. սկսվել է մինչև COP-ը , և այն կշարունակվի COP-ից հետո»։
Թարգմանությունը՝ Էմմա Չոբանյանի
