18.09.2026 | 12:40
Պուշկինոյի նախկին համայնքապետի մասնակցությամբ մրցույթով վարձակալված 4 հա հողը վերադարձվել է համայնքին
Արտահերթի հարցը հանրային պահանջ է, ոչ թե վարչապետի ցանկությունը. Լենա Նազարյանն ի պատասխան ԱԺ խմբակցությունների ակնարկների
Քաղաքականություն
18.09.2018 | 17:07
Ազգային ժողովի «Ելք» խմբակցության ղեկավար Լենա Նազարյանը անդրադառնալով խորհրդարանական խմբակցությունների այն հայտարարություններին, թե ՀՀ վարչապետ Նիկոլ Փաշինյանը գուցե այսուհետ չստանա վարչապետին թեկնածությանն ու կառավարության ծրագրին կողմ քվեարկած խմբակցությունների աջակցությունը, գրել է.
«Այն բոլոր քաղաքական ուժերը, պատգամավորները, ովքեր կողմ են քվեարկել Նիկոլ Փաշինյանի թեկնածությանը և կառավարության ծրագրին, դա չեն արել Նիկոլ Փաշինյանի կամ Քաղաքացիական պայմանագիր կուսակցության համար: Դա եղել է ժողովրդի պահանջը բոլորից: Եվ եթե հիմա ակնարկում են, որ կառավարությունը ԱԺ արտահերթ ընտրությունների հասնելու համար նրանց օգնությանն ապավինելու խնդիր ունի, չեն հաշվի առնում, որ արտահերթի հարցը հանրային պահանջ է, ոչ թե վարչապետի ցանկությունը: Հեղափոխությունը մի անձի դեմ չէր ու մի անձի համար չէ: Այլ կոռումպացված քաղաքական ու տնտեսական քանդվող համակարգերի կազմալուծման խնդիր է դրված: Այ հենց այս պահերին է առավել ակնառու երևում գաղափարական կուսակցությունների պակասը և իրական դերը»:
