05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Կարեն Անդրեասյանից հետո ԲԴԽ նախագահի պարտականությունները կկատարի Արմեն Դանիելյանը
Քաղաքականություն
18.11.2024 | 11:23
Բարձրագույն դատական խորհրդի նախագահ Կարեն Անդրեասյանի հրաժարականից հետո Խորհրդի նախագահի պարտականությունները կկատարի Արմեն Դանիելյանը։
Դատական օրենսգրքի համաձայն՝ «Բարձրագույն դատական խորհրդի նախագահի կողմից արձակուրդի կամ գործուղման մեջ գտնվելու դեպքում իրեն փոխարինող չնշանակելու, ժամանակավոր անաշխատունակության, լիազորությունների կասեցման, դադարման կամ դադարեցման դեպքերում Բարձրագույն դատական խորհրդի նախագահի պարտականությունները կատարում է տարիքով ավագ անդամը»:
Խորհրդի անդամներից ավագն այս պահին Արմեն Դանիելյանն է, ուստի՝ օրենքի կարգավորումներից ենթադրվում է, որ հենց նա էլ կկատարի Խորհրդի նախագահի պարտականությունները։
Հիշեցնենք, որ երեկ հրաժարականի դիմումներ են ներկայացրել Հակակոռուպցիոն կոմիտեի նախագահ Սասուն Խաչատրյանը, Ներքին գործերի նախարար Վահե Ղազարյանը, Քննչական կոմիտեի նախագահ Արգիշտի Քյարամյանը, ՊԵԿ նախագահ Ռուստամ Բադասյանը և ՏԿԵ նախարար Գնել Սանոսյանը։ Այսօր առավոտյան էլ պարզ դարձավ, որ հրաժաականի դիմում է ներկայացրել ԲԴԽ նախագահ Կարեն Անդրեասյանը։
«Այլևս հրաժարվում եմ Բարձրագույն դատական խորհրդի թե´ նախագահությունից և թե´ անդամությունից: Առերևույթ ամեն ինչ պարզ է, իսկ խորքային պատճառները չեմ ուզում ասել: Ինչ էլ ասեմ, հազար ու մի ձև են մեկնաբանելու և շատ կեղծ վարկածներ են առաջ քաշելու: Նման փորձ արդեն ունեցել եմ»,- Facebook-ի իր էջում գրել է Անդրեասյանն ու անդրադարձել դատական համակարգում իր իրականացրած քայլերին։
Արաքս Մամուլյան
