15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
ԱՄՆ կոնգրեսական Ֆրենկ Փալոնը հեռացել է Բաքվից․ ադրբեջանական ԶԼՄ-ները հիստերիա են բարձրացրել նրա այցի կապակցությամբ
Քաղաքականություն
18.11.2024 | 14:52
ԱՄՆ Կոնգրեսի Ներկայացուցիչների պալատի անդամ, Կոնգրեսի հայկական հարցերով հանձնախմբի համանախագահ Ֆրենկ Փալոնը, որն օրերս ժամանել էր Բաքու՝ մասնակցելու COP29-ին, արդեն հեռացել է Ադրբեջանից, հայտնում են տեղական լրատվամիջոցները։
«Այս հանգսյան օրերին ես COP29 կլիմայական համաժողովին էի՝ աշխարհին հասկացնելու, որ ԱՄՆ-ը դեռ պայքարի մեջ է: Մենք չենք հրաժարվի կլիմայի վատթարացող ճգնաժամի դեմ պայքարելու մեր պարտավորություններից»,- գրել է Փալոնը X-ի իր միկրոբլոգում։
Նշենք, որ Փալոնի այցը Բաքու ուղեկցվել է ադրբեջանական լրատվամիջոցների և հասարակական կազմակերպությունների ներկայացուցիչների կողմից հիստերիայով։ Նրան հետապնդել են հյուրանոցի մոտ, անգամ օդանավակայանում։
Հավելենք, որ Ֆրենկ Փալոնը 2017 թվականին ԱՄՆ մի խումբ կոնգրեսականների հետ այցելել էր Արցախ, եղել Ստեփանակերտում և Շուշիում, հանդիպումներ անցկացրել տեղի պաշտոնյաների հետ։ Սա Բաքվի դժգոհությունն էր առաջացրել․ Ադրբեջանի ԱԳՆ-ն նրան ներառել էր սև ցուցակում։
Թարգմանությունը՝ Էմմա Չոբանյանի
