23.12.2024 | 23:19
Ադրբեջանում ավելի քան 300 քաղբանտարկյալ կա․ ԱՄՆ դեսպանատունն արձագանքել է Բաքվի մեղադրանքներին
Սամվել Բալասանյանի որդուն կալանավորելու որոշում է կայացվել
Քաղաքականություն
15.11.2024 | 19:33
Վերաքննիչ հակակոռուպցիոն դատարանը բավարարել է դատախազի միջնորդությունը, և Գյումրու նախկին քաղաքապետ Սամվել Բալասանյանի որդու՝ Խաչատուր Բալասանյանի նկատմամբ, որպես խափանման միջոց է ընտրել կալանքը: Այս մասին տեղեկությունը Factor TV-ի հետ զրույցում հաստատեցին Դատախազությունից:
Խաչատուր Բալասանյանը ձերբակալվել էր հոկտեմբերի 11-ին` «Զվարթնոց» օդանավակայանում, երբ պատրաստվում էր մեկնել ԱՄՆ: Նրան մեղադրանք էր առաջադրվել և կալանավորելու միջնորդություն ներկայացվել դատարան, սակայն դատարանը մերժել էր կալանքի միջնորդությունը:
Բալասանյանի նկատմամբ խափանման միջոց էր ընտրել 70 միլիոն դրամ գրավը և տնային կալանքը։
Նշենք, որ ըստ գործի` Գյումրու նախկին քաղաքապետ Սամվել Բալասանյանը և նրան փոխկապակցված անձինք օրենքի խախտմամբ սեփականաշնորհել են Գյումրու «Սև բերդ» պատմամշակութային ամրոցի հարակից հողերը: Գործով անցնում է 5 մեղադրյալ, այդ թվում՝ Սամվել Բալասանյանի որդին:
