20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Միայն ժողովուրդը կարող է չեղարկել անկախության հռչակագիրը. Արման Դիլանյան․ ՏԵՍԱՆՅՈՒԹ
Հասարակություն
14.11.2024 | 15:32
Սահմանադրական դատարանը չի չեղարկել և չէր կարող չեղարկել Անկախության հռչակագիրը։ Այս մասին լրագրողների հետ ճեպազրույցում ասաց Սահմանադրական դատարանի նախագահ Արման Դիլանյանը՝ կարծիք հայտնելով, որ անկախության հռչակագիրը չեղարկել կարող է միայն ժողովուրդը։
«Սահմանադրական դատարանն ասել է մի բան, որը գոյություն է ունեցել 30 տարի, նոր բան ՍԴ-ն չի ասել։ 30 տարի Սահմանադրությունն ընկալվել է որպես բարձրագույն իրավաբանական ուժ ունեցող փաստաթուղթ և Անկախության հռչակագիրը ողջ ծավալով երբեք չի եղել Սահմանադրության մաս։ Եթե նայեք Անկախության հռչակագիրը և տեսնեք Սահմանադրությունը, և բովանդակային առումով համեմատեք, և փորձեք դրանք նույն իրավական հարթության մեջ դնել, ես չեմ պատկերացնում, թե ինչպես եք այդ հակասությունները լուծելու։ Ողջ 30 տարում ոչ մեկի մոտ այդպիսի տպավորություն չի եղել, պարզապես մենք առաջին անգամ խորությամբ ուսումնասիրեցինք խնդիրը և արձանագրեցինք գոյություն ունեցող իրողությունը, նոր բան ՍԴ-ն չի ասել»,- ասաց Արման Դիլանյանը։
Մանրամասները՝ տեսանյութում։
Արաքս Մամուլյան
