14.07.2026 | 18:19
Սևանի ափին գտնվող 2.5 հա հողատարածքը վերադարձվել է պետությանը. այն վարձակալել էր Կարապետ Գուլոյանը
Փաթաթել էին Արցախի դրոշով ու գնդահակարել. նոր դրվագներ՝ ադրբեջանական վայրագություններից․ ՏԵՍԱՆՅՈՒԹ
Հասարակություն
14.11.2024 | 14:34
«Ադրբեջանի ագրեսիայի ազդեցությունը մարդու իրավունքների և շրջակա միջավայրի պաշտպանության վրա» համաժողովի ավարտին հատուկ ելույթով հանդես եկավ «Վերադարձ դեպի Դիզակ» ՀԿ ղեկավար Մարգարիտա Քարամյանը։ Նա ներկաներին, որոնց թվում էր շվեդ հայտնի էկոակտիվիստ Գրետա Թունբերգը, մանրամասն ներկայացրեց 44-օրյա պատերազմի ընթացքում Ադրբեջանի կողմից իրականացրած վայրագությունները.
«Հադրութում 23 խաղաղ բնակիչ պարզապես սպանվել են իրենց տներում, 16 հոգի դեռ անհայտ կորած են համարվում, այդ թվում 4 կին և 2 երեխա։ Սպանվածներից երկուսն ամուսիններ էին, կինը 82 տարեկան էր, կույր, նրան մի քանի ամիս անց հայտնաբերել էին իր մահճակալին գնդակի 16 կրակոցից սպանված։ Նրա 86-ամյա ամուսնուն գլխատել են իր տան բակում։ Մեկ այլ հադրութցի, որն ուներ հոգեկան առողջության խնդիրներ, կրկին դաժանորեն սպանվել էր։ Բաքվից փախած Լենա Հակոբյանին գլխատել և մասնատել են իր երկու հարևանների հետ ու երեքին միասին հուղարկավորել տան բակում»,- պարբերաբար հուզվելով ներկաներին այս փաստերը ներկայացրեց Քարամյանը։
Մանրամասները՝ տեսանյութում։
