Ռազմական ոստիկանության Իջևանի կարգապահական գումարտակում հայտնաբերվել է 19-ամյա զինծառայողի մարմին։ Պաշտպանության նախարարությունը դեռևս այս մասին հաղորդագրություն չի տարածել։ Մահացած զինծառայողը Արարատի մարզի Աբովյան գյուղի բնակիչ,19-ամյա զինծառայող Նարեկ Գրիգորյանն է։ Աբովյան գյուղի համայնապետարանից Factor.am-ի հետ զրույցում նշեցին, որ այս պահին հարազատները միայն մահվան մասին են տեղյակ, այլ հանգամանքներ հայտնի չեն։