04.04.2026 | 12:55
ՔՊ 8-րդ արտահերթ համաժողովը. ՈւՂԻՂ
Առողջության համապարփակ ապահովագրությունը ներդրվելու է 2026-ին, բոլոր խոստումներն իրականացվելու են. Ավանեսյան
13.11.2024 | 14:15
2025 թվականի պետական բյուջեով առողջապահությանն ուղղվող ծախսերը մեր երազանքների արտահայտումը չեն, այս մասին ԱԺ-ում հայտարարեց Առողջապահության նախարար Անահիտ Ավանեսյանը: Նրա գնահատմամբ` այն հեռու է մեզ հետ համադրելի երկրների ՀՆԱ-ի 4 տոկոսի ցուցանիշից:
Անդրադառնալով առողջության համապարփակ ապահովագրության ներդրմանը` նա վստահեցրեց, թե ապահովագրությունը ներդնելու են:
«Ես երեկ ևս մեկ անգամ ուշադիր կարդացի կառավարության ծրագիրը․ նշված է, որ ընդհանուր ներդրման ժամկետը 2026 թվականն է, մենք մեր ժամկետների մեջ տեղավորվելու ենք։ Բոլոր խոստումներն իրականացնելու ենք»,- նշեց նախարարը:
Ավելի վաղ Անահիտ Ավանեսյանը հայտարարել էր, թե 2024 թվականի հուլիսից կմեկնարկի բժշկական պարտադիր ապահովագրության ծրագիրը:
2025 թվականին պետբյուջեի նախագծի քննարկումներին ժամանակ ֆինանսների նախարար Վահե Հովհաննիսյանը օրերս հայտարարել էր, որ 2025-ի բյուջեով առողջության համապարփակ ապահովագրության ներդրման համար գումար նախատեսված չէ:
