21.01.2026 | 23:30
Ինչ իրավիճակ է Հայաստանի ճանապարհներին և Լարսում
«Արթուր Վանոյանի մահվան դեպքին ես էլ եմ ներկա եղել»․ ՊՊԾ գնդի գրավման գործով ամբաստանյալն այլևս չի ցանկանում, որ իր անունը կապեն «Սասնա ծռերի» հետ. ՏԵՍԱՆՅՈՒԹ
Հասարակություն
17.09.2018 | 19:15
Factor.am-ի խմբագրություն է դիմել «Սասնա ծռեր» խմբի գործով ամբաստանյալ Թաթուլ Թամրազյանը, որը ՊՊԾ գնդի գրավման օրերին վիրավորում էր ստացել և վիրահատության ենթարկվել։ Նա մասնավորապես մեզ ասաց, որ ներկա եղել է ՊՊԾ գնդի գրավման առաջին օրը մահացած ոստիկան, գնդապետ Արթուր Վանոյանի մահվան դեպքին։
Այս հանգամանքը, ըստ նրա, դեռևս դատարանում հրապարակված չէ։
Նշենք, որ Վանոյանի սպանության մեջ է մեղադրվում «Սասնա ծռեր» խմբի անդամներից Սմբատ Բարսեղյանը, որին բացի այս սպանությունը, մեղսագրվում է ևս մեկ ոստիկանի մահ։ Ի դեպ, ըստ դատաբժշկական փորձաքննության, մահացած ոստիկան Արթուր Վանոյանի մարմնի վրա, բացի հրազենային վնասվածից, առկա են եղել նաև բութ առարկայով հասցված վնասվածքներ:
Թաթուլ Թամրազյանը, սակայն շատ մանրմասներ չհայտնեց, անուններ չտվեց, ասաց՝ ամեն ինչ կասի դատարանում։ Սիբիրից եկած Թամրազյանը հայտարարեց, որ չի ցանկանում, որպեսզի իր անունը կապեն «Սասնա ծռերի» հետ, սակայն չմանրամասնեց, թե ինչու՝ արդյոք քաղաքակա՞ն պատճառներներ կան, թե՝ այլ։
«Սասնա ծռեր» կուսակցության անդամ Սյուզան Սիմոնյանը մեզ հետ զրույցում Թամրազյանի՝ «Սասնա ծռերի» հետ կապ չունենալու ցանկությունը կապեց կուսակցական երևույթի նկատմամբ հավատ չունենալու հետ։ Ասաց, երբ իրենք իրենց քայլերով ցույց կտան, որ կուսակցական լինելը վատ բան չէ, Թամրազյանը կարող է և վերադառնալ։
Լիլիթ Շաբոյան
