06.10.2026 | 21:30
Գերմանիայի ԱԳ նախարարը զգուշացրել է Վրաստանի, Մոլդովայի և Բալթյան երկրների համար Ռուսաստանի սպառնալիքի մասին
Ադրբեջանն ու Հայաստանը մոտ են խաղաղության պայմանագրի տեքստի շուրջ վերջնական համաձայնության գալուն. Ալիևը՝ Շոլցին
Քաղաքականություն
10.11.2024 | 10:53
Ադրբեջանն ու Հայաստանը մոտ են խաղաղության պայմանագրի տեքստի շուրջ վերջնական համաձայնության գալուն. այս մասին, trend.az-ի փոխանցմամբ, Ադրբեջանի նախագահ Իլհամ Ալիևն ասել է Գերմանիայի կանցլեր Օլաֆ Շոլցի հետ հեռախոսազրույցում:
Շոլցը նշել է, որ Գերմանիան աջակցում է Ադրբեջանի և Հայաստանի միջև խաղաղության և բարիդրացիական հարաբերությունների հաստատմանը և կողմերին կոչ է արել համարձակ քայլեր ձեռնարկել։
«Մեր երկրի նկատմամբ Հայաստանի սահմանադրությամբ ամրագրված տարածքային պահանջները դեռևս պահպանվում են։ Հայաստանի կողմից փաստաթղթի տեքստի վերաբերյալ առաջարկների էական ձգձգումը բացասաբար է ազդել գործընթացի վրա, սակայն, չնայած դրան, կողմերը մոտ են փաստաթղթի տեքստի շուրջ վերջնական համաձայնության գալուն, և բանակցությունները կշարունակվեն COP29-ի ավարտից հետո»,- հայտարարել է Ալիևը։
