26.05.2026 | 23:35
Վաղը առավոտյան ՀՀ ԶՈՒ ավիացիան Երևանի կենտրոնում կատարելու է թռիչք. ՊՆ
60 կետից կարողացել ենք հավաքել 60 000 ստորագրություն, մեծ էնտուզիազմ կար․ Արտակ Զեյնալյան․ ՏԵՍԱՆՅՈՒԹ
Քաղաքականություն
07.11.2024 | 12:10
«Ժողովրդավարական ուժերի հարթակ»-ը Հայաստանի անդամակցության հանրաքվեի վերաբերյալ հավաքված շուրջ 60 000 ստորագրություններն այսօր ներկայացրեց Կենտրոնական ընտրական հանձնաժողով։ Նախաձեռնող խմբի լիազոր ներկայացուցիչ Արտակ Զեյնալյանը Factor TV-ի հետ զրույցում հայտնեց, որ իրենք կարողացել են վերջանաժամկետից շուտ 60 000 քաղաքացու ստորագրություն հավաքել 60 ստորագրման կետերից։
Նրա փոխանցմամբ՝ ստորագրահավաքի ընթացքում առավել ակտիվություն են ցուցաբերել Երևանի, Գյումրիի, Վանաձորի բնակիչները։ Արտակ Զեյնալյանի խոսքով՝ էլեկտրոնային ստորագրությունների ընդունումը դեռ շարունակվում է մինչև հայտարարված վերջնաժամկետը՝ նոյեմբերի 14-ը։
Նշենք, որ «Ժողովրդավարական ուժերի հարթակ»-ը ԵՄ-ին Հայաստանի անդամակցության հանրաքվեի վերաբերյալ սեպտեմբերի 16-ից մինչև նոյեմբերի 14-ը ստորագրահավաք էր նախաձեռնել։ Համաձայն ՀՀ Սահմանադրության, հարցը Ազգային ժողովի օրակարգ մտցնելու համար անհրաժեշտ էր 60 օրվա ընթացքում հավաքել ՀՀ 50 հազար քաղաքացու ստորագրություն։ Նախաձեռնությանը, փաստորեն, հաջողվել է ավելի կարճ ժամկետում հավաքել շուրջ 60 հազար ստորագրություն։ Եթե օրինագծին ԱԺ-ն հավանություն չտա, Եվրաքվեի նախաձեռնության հեղինակները պետք է կարողանան 300 հազար ստորագրություն հավաքել, այդ դեպքում հանրաքվեն տեղի կունենա իրավունքի ուժով։
Հիշեցնենք, որ հունիսի 21-ին ժողովրդավարական ուժերի նախաձեռնությամբ ԵՄ-ին Հայաստանի անդամակցելու հարցով հանրաքվե անցկացնելու հարցով նաև տեղի են ունեցել խորհրդարանական լսումներ։
Վարչապետ Նիկոլ Փաշինյանն էլ «Ժողովրդավարության հայկական ֆորում»-ի ժամանակ ասել էր, որ Եվրամիությանն անդամակցելու հարցով հանրաքվե անցկացնելու անհրաժեշտություն չի տեսնում, քանի որ «գիտի ժողովրդի կարծիքը»։
Մանրամասները՝ տեսանյութում։
