21.01.2026 | 23:30
Ինչ իրավիճակ է Հայաստանի ճանապարհներին և Լարսում
Օրեր շարունակ սոցիալական ցանցերում Ն․ Զոհրաբյանի նկատմամբ ատելության մթնոլորտ է. Իվետա Տոնոյան. ՏԵՍԱՆՅՈՒԹ
Քաղաքականություն
17.09.2018 | 11:57
Օրեր շարունակ մարդկանց անձնական հաղորդագրությունների միջոցով՝ և՛ ֆեյսբուքով, և՛ ինստագրամով, գրվել են կոչեր՝ չընտրել Նաիրա Զոհրաբյանին և եթե նման բաներ օրեր շարունակ լինում են, բնական է, որ պետք է ունենան արձագանք։ Այս մասին այսօր Ազգային ժողովում լրագրողների հետ ճեպազրույցում, անդրադառնալով Երևանի քաղաքապետի թեկնածու Նաիրա Զոհրաբյանի՝ երեկ հանարահավաքում հնչեցրած սուր արտահայտություններին, ասաց «Ծառուկյան» խմբակցության պատգամավոր Իվետա Տոնոյանը։
Պատգամավորը նաև նշեց, որ ասվածի վերաբերյալ իրենք ունեն կոնկրետ փաստեր, որոնք առաջիկայում կներկայացվեն եվրոպական կառույցներին։
Տոնոյանը նաև նկատեց, որ քաղաքապետի իրենց թեկնածուի դեմ ուղղված գործողությունները իրականացվում են նախարարությունների աշխատակիցների կողմից, որոնց վերաբերյալ ևս կան փաստեր։
«Այն, ինչ տեղի է ունենում, դուրս է տրամաբանության սահմաններից։ Ամենակոպիտ վիրավորական ձևակերպումներ, սպառնալիքներ և կոչեր մեր թեկանծուի և նրա բարեկամների հասցեին և այդ ամեն ինչը իրականացվում է պետական նախարարությունների աշխատակիցների և ֆեյք էջերի միջոցով»,- ասաց Իվետա Տոնոյանը՝ շեշտելով, որ ունեն փաստեր, որ տարբեր նախարարությունների աշխատակիցներ իրենց ֆեսյբուքյան էջերում սերմանում են ատելություն Նաիրա Զոհրաբյանի և իրենց մյուս գործընկերների հասցեին։
Մանրամասները՝ տեսանյութում։
