14.09.2026 | 23:23
Պապիկյանի գլխավորած պատվիրակությունն աշխատանքային այցով մեկնել է Չինաստան
Բրյուսելում Ադրբեջանի դեսպանը սպառնացել է սպանել ՀՀ դեսպան Տիգրան Բալայանին․ POLITICO
Քաղաքականություն
05.11.2024 | 10:37
Հայաստանի դեսպանությունը պաշտոնական բողոք է ուղարկել Բրյուսելում գտնվող այլ դիվանագիտական ներկայացուցչություններ այն բանից հետո, երբ ՀՀ դեսպանն ասել է, որ սպանության սպառնալիքներ է ստացել իր ադրբեջանցի գործընկերոջից։ Անցյալ շաբաթ դեսպանների շրջանում տարածված նամակում, որը հայտնվել է POLITICO-ի տրամադրության տակ, ասվում է, որ Հայաստանի դեսպան Տիգրան Բալայանը «բանավոր հարձակման և ահաբեկման է ենթարկվել» Ադրբեջանի դեսպան Վագիֆ Սադիգովի կողմից, որը «բացահայտ սպառնալիքներ է հնչեցրել իր կյանքի նկատմամբ»։
Նշվում է, որ միջադեպը տեղի է ունեցել Բրյուսելի Tangla հյուրանոցում ընդունելության ժամանակ, որը կազմակերպվել էր Թուրքիայի դեսպանատան կողմից՝ ի պատիվ երկրի ազգային տոնի: Ենթադրվում է, որ դա Անկարայի կողմից հովանավորվող առաջին հանդիպումն էր, որին Հայաստանի դեսպանատուն հրավեր է ուղարկվել 2020 թվականի պատերազմից հետո։
Լրատվամիջոցի հետ զրույցում Սադիգովը հերքել է միջադեպը՝ ասելով, որ նման մեղադրանքները «ծիծաղելի են դառնում»: Նրա խոսքով՝ ընդունելությանը եղել են «լավ սնունդ, հաճելի մարդիկ», այն «սովորական դիվանագիտական միջոցառում» է եղել։
«Ես տեղյակ չեմ որևէ նամակի կամ մեղադրանքի մասին։ Հայ դիվանագետները կարող են պահանջել այն, ինչ ուզում են»,- ասել է նա։
Հայաստանի դեսպանությունը հրաժարվել է այլ մեկնաբանություններից: Թուրքիայի դեսպանատունն էլ անմիջապես չի պատասխանել տեղեկատվության հարցմանը։
Հավելենք, որ անցյալ տարի էլ Սադիգովը քննադատության էր արժանացել Եվրամիության կողմից սոցիալական ցանցերում գրառման համար, որտեղ նա, կարծես թե, Բալայանի հետ Հայաստան այցելած Եվրախորհրդարանի պատվիրակությանը սպառնացել էր գնդակահարությամբ:
«Ադրբեջանում արտադրված Istiglal IST-14.5 դիպուկահար հրացանն ունի մոտ 3000 մետր արդյունավետ կրակի հեռահարություն»,- գրել էր նա գրառման տակ, որում եվրոպացի պատգամավորների լուսանկարն էր սահմանին։
«Հեռո՛ւ մնացեք Ադրբեջանի պետական սահմանից»,- նշել էր ադրբեջանցի դիվանագետը։
Թարգմանությունը՝ Էմմա Չոբանյանի
