06.10.2026 | 17:26
ԱՀԿ-ն հաստատել է՝ Հայաստանը հասել է հեպատիտ B-ի վերահսկման թիրախներին
Բանկերը պարտավոր են փոխանակել թղթադրամները, մետաղադրամները, բավարարել պահանջարկը՝ ներառյալ 100 դրամանոցի. ԿԲ
04.11.2024 | 17:50
ՀՀ կենտրոնական բանկն անդրադարձել է վերջին շրջանում 100 դրամանոցների, այսպես ասած, դեֆիցիտին։
Հիշեցնենք, որ Երևանի քաղաքապետարանը հայտարարություն էր տարածել, ըստ որի՝ նոյեմբերի 1-ից MAN-ից, ZhongTong-ից և GazelCity-ից օգտվելիս պարտադիր պայման է լինելու 100 դրամանոց մետաղադրամի առկայությունը՝ մանրադրամ վերադարձնելու պարտավորությունից ազատելով վարորդներին։
«Տնտեսության պահանջարկը ՀՀ դրամանիշերի անվանական արժեքների նկատմամբ ձևավորվում է առևտրային բանկերի միջոցով։ Առևտրային բանկերը պարտավոր են իրենց հաճախորդներին ապահովել պահանջվող անվանական արժեքներով, ինչպես նաև փոխանակել թղթադրամները և մետաղադրամները: Մինչ այս պահը, բոլոր պահանջարկները, ներառյալ 100 դրամանոց մետաղադրամների, բավարարել են, և Կենտրոնական բանկը պատրաստ է շարունակել բավարարել պահանջարկը նաև ապագայում»,- ասված է բանկի հայտարարության մեջ:
