24.06.2026 | 21:29
Կալիֆոռնիայի հյուսիսում 5.6 մագնիտուդով երկրաշարժ է գրանցվել
Պաշտոնաթող սպաները կկարողանան վերադառնալ ծառայության և կշարունակեն կենսաթոշակ ստանալ․ ԱԺ-ն միաձայն ընդունեց նախագիծը
Հասարակություն
31.10.2024 | 18:05
Այսօր ԱԺ-ն արտահերթ նիստում միաձայն` 77 կողմ ձայնով երկրորդ ընթերցմամբ և ամբողջությամբ ընդունեց «Զինվորական ծառայության և զինծառայողի կարգավիճակի մասին» և «Պետական կենսաթոշակների մասին» օրենքներում փոփոխություններ և լրացումներ կատարելու մասին օրենքի նախագիծը։
«Զինվորական ծառայության և զինծառայողի կարգավիճակի մասին» օրենքում փոփոխությունների հեղինակներն են ԱԺ պաշտպանության հանձնաժողովի նախագահ Անդրանիկ Քոչարյանը և նրա տեղակալ Արմեն Խաչատրյանը։ Ըստ նախագծի համահեղինակների՝ խնդիր է դրված ներգրավելու փորձառու և որակյալ զինվորականների։ Օրենքի փոփոխության համաձայն՝ կենսաթոշակի անցած զինվորականները կարող են վերադառնալ զինծառայության` աշխատավարձի հետ զուգահեռ պահպանելով կենսաթոշակը:
Օրենսդրական նախաձեռնությամբ առաջարկվում է երկարամյա ծառայության զինվորական կենսաթոշակ ստանալու իրավունքը պահպանել այն պահեստազորայինների համար, որոնք կրկին պայմանագրային զինծառայության կանցնեն պաշտպանության նախարարի հրամանով սահմանված զորամասերում, սակայն ոչ ավելի, քան փոխգնդապետ կոչումային դասակարգմամբ զինվորական պաշտոնում նշանակվելու պայմանով:
Նախագծով կհստակեցվեն նաև զորահավաքային զինվորական ծառայությունից կամ պաշտպանության նախարարի հրամանով սահմանված զորամասերում պայմանագրային զինծառայությունից, վարժական հավաքից արձակվելուց հետո զինվորական կենսաթոշակի վերահաշվարկման կարգը, պայմանները, վերահաշվարկի դիմելու ժամկետները։ Պետությունը կշարունակի նրանց կենսաթոշակ վճարել ստաժի տարիների համար։
