12.01.2026 | 20:15
Կքննարկվի Սոլովյովին ՀՀ պատվո շքանշանից զրկելը․ հարգալից էր, քանի հայերը սպասարկում էին ՌԴ շահը. ՏԵՍԱՆՅՈՒԹ
Զոհված տղաների դիմանկարները վերականգնվել են
Հասարակություն
30.10.2024 | 15:17
Երևանի Պուշկին փողոցի բնակելի շենքի պատին 44-օրյա պատերազմում զոհված տղաների դիմանկարները և հարակից գրառումները, որոնք կապույտ ներկով էին ծածկել, վերականգնվել են։ Սա արձանագրել է Factor TV-ի տեսախցիկը։
Զինվորների դիմանակարները ներկով էին ծածկել նաև հարևանությամբ գտնվող մեկ այլ շենքի պատին, որոնք դեռևս չեն վերականգնվել։
Հիշեցնենք՝ համացանցում տարածված տեսանյութում երևում է, թե ինչպես է մի կին մոտենում բնակելի շենքին և կապույտ ներկով ծածկում 44-օրյա պատերազմում զոհված տղաների դիմանկարները։ Նկատելի է, որ մինչ շենքին մոտենալը նա գլխարկը քաշում է գլխին՝ փորձելով քողարկել դեմքը: ՆԳՆ-ից հայտնել էին, որ խուլիգանություն կատարելու կասկածանքով ձերբակալվել է 62-ամյա Հասմիկ Գ.-ն և փոխանցվել Քննչական կոմիտե։ Վերջինս ընդունել է մեղադրանքը, հայտարարել, որ զղջում է կատարվածի համար։ Կինը չի կալանավորվել, նրա նկատմամբ որպես խափանման միջոց է ընտրվել բացակայելու արգելքը։
Արփի Հակոբյան
